आन्तरिक तथा बाह्य उडान जेठ २ गतेसम्म नै बन्द रहने

 सरकारले आन्तरिक एवम् वाह्य हवाइ उडान जेठ २ गतेसम्मका लागि स्थगित नै राख्ने निर्णय गरेको छ । सिंहदरबारमा शनिबार बसेको कोरोना भाइरस रोकथाम तथा नियन्त्रण उच्चस्तरीय समन्वय समितिको बैठकले आन्तरिक एवम् वाह्य हवाइ उडान जेठ २ गतेसम्मका लागि स्थगित नै राख्ने निर्णय गरेको हो ।

Covid19-UchchastariyeSamiti

यसअघि वैशाख १८ गतेसम्मका लागि हवाई सेवामाथि रोक लगाउने निर्णय गरिएको थियो । बैठकमा कोरोना संक्रमण रोकथाम र नियन्त्रणका विषयमा भएका कामको समीक्षा भएको सचिव नारायण विडारीले जानकारी दिए । बैठकले अहिलेसम्म नियन्त्रणमा लिन सफल नै रहेको निष्कर्ष निकालेको छ ।

त्यस्तै बैठकमा ३३ दिनसम्मको लकडाउनको समीक्षा पनि भएको छ । सचिव विडारीले कति दिन थप्ने या नथप्ने भन्ने तय मन्त्रिपरिषद बैठकले गर्ने जानकारी दिए । बैठकले अहिलेसम्म अत्यावश्यक बस्तुको आपूर्ति सहज रुपमा भइरहेको ठहर पनि गरेको उनले बताए ।

त्यस्तै कोरोना नियन्त्रण र रोकथाम तथा उपचारका लागि भएका प्रयासलाई थप शसक्त ढंगले अघि बढाउने निर्णय पनि बैठकले गरेको छ ।

 

photo

NOC1-250x300