आत्मघाती आक्रमणमा १४ जना को मृत्यु

काठमाडौं, ९ भदौ — अफगानिस्तानको राजधानी काबुलस्थित एक शिया मस्जिदमा शुक्रवारको प्रार्थनाका लागि भेला भएका मानिसहरूलाई लक्षित गरी भएको आत्मघाती आक्रमणमा १४ व्यक्तिको मृत्यु भएको छ । अन्य धेरै घाइते भएको अधिकारीहरूले बताएका छन् ।

mosque

एक आत्मघाती आक्रमणकारीले मस्जिदमा बम विस्फोट गराएको थियो भने अन्य आक्रमणकारीले भवनमा छिरेर जथाभावी गोलीप्रहार गरेका थिए ।

घटनाको जिम्मेवारी कसैले पनि नलिएको भएपनि इस्लामिक स्टेटका लडाकुहरूले अल्पसंख्यक शियाहरूलाई लक्षित गर्दै आएका छन् ।

गृह मन्त्रालयका एक प्रवक्ताले कम्तीमा १४ जना मारिएको र त्यसमा दुई प्रहरी पनि परेको बताए ।

घटनाका प्रत्यक्षदर्शीहरूले बताएअनुसार आक्रमणकारीहरूले ग्रिनेड फ्याँकेका थिए भने आत्मघाती आक्रमणकारीले गेटमा विस्फोट गराएको थियो ।

आक्रमणकारीले विस्फोट पदार्थसहितको भेस्ट लगाएको थियो र गेटमा रहेका गार्डहरूलाई मारिदिएको थियो ।

 

photo

NOC1-250x300