काठमाडौं, ३ फागुन । निजी दूरसञ्चार प्रदायक कम्पनी एनसेलले अबदेखि फेसबुक निःशुल्क चलाउन सकिने व्यवस्था गरेको छ । एनसिएलले यो सेवा आज रातिदेखि सुचारु गर्दैछ । एनसेलले फेसबुकसँगको सहकार्यमा निःशुल्क फेसबुक सेवा सुरु गरेको हो ।
एनसेलका म्यानेजिङ डाइरेक्टर साइमन पार्किन्स र फेसबुककी एपीएसी प्रमुख अन्ना नेबग्रेनले संयुक्त रुपमा एनसेलममा निःशुल्क फेसबुक सेवा दिने घोषणा गरे ।
मंगलबार राजधानीमा आयोजित कार्यक्रममा एनसेलले ‘सबैका लागि इन्टरनेट’ अभियान अन्तरगत निःशुल्क सेवा सुरु गरिएको बताएको छ ।
