आजदेखि उद्योगीले खुला दुध बेच्न नपाइने

काठमाडौं – चाडपर्व नजिकिदै गर्दा दुध तथा दुग्ध जन्य पदार्थमा गुणस्तहीन सामानको विक्रि वितरण भएको गुनासो बढेपछि पशुपंक्षी विकास मन्त्रालयले छड्के अनुगमनमा तीव्रता दिएको छ ।

मन्त्री सन्तकुमार थारुको अगुवाइमा भएको छड्के अनुगमनमा सोमबार  दुध तथा दुग्ध जन्य पदार्थको उत्पादन, प्रशोधन तथा प्याकेजिङ लगायतमा चासो दिएका थिए । उद्योगीहरुले मापदण्ड विपरित खुला प्लाष्टिकमा बेचिने दुधको एकै किसीमको मापदण्ड नपुगेको भन्दै त्यसरी खुला दुध विक्रि वितरण गर्न रोक लगाएका छन् । 

छ्ड्केमा मन्त्री सन्तकुमार डिडिसी, भक्तपुर जुजु धौ, सिताराम दुध  उद्योग, गायत्री दुध उद्योग, पुष्प डेरी, त्यस्तै, सजिबनी डेरी उद्योग आधा दर्जन बढि उद्योगहरुमा पुगेका थिए । प्रायः उद्योगहरुमा उत्पादन प्रशोधन, तथा प्याकेजिङमै हेलचेक्र्याई भएको पाइयो मन्त्री थारुले भने,‘उत्पादनमै अत्यन्त फोहोर हुने सरसफाइमै ध्यान नदिइको पाइयो ।’

‘दुग्ध पदार्थ संकलन प्याकेजिङ स्टोरिङमा उचित मापदण्डको कमि देखिएपछि  शुद्धता÷ गुणस्तरमा ध्यान उलने कडा निर्देशन दिएको बताए । यस्तै, खुला दुध विक्रि वितरण भएको पाइए कसैलाई नछाडिने सबै कारवाहीमा पर्ने समेत मन्त्री थारुले बताए ।

मन्त्रालयले सम्बन्धित विभागले नजिकिदो चाडपर्वसँगै दैनिक अनुगमनलाई पनि तिव्रता दिएको छ । चाडपर्वलाई लक्षित गरी व्यवसायीहरुले बढि नाफा आर्जन गर्न उत्पादनमा गुणस्तर कम गर्ने उचित मापदण्डमा विक्रि वितरण नगर्ने भएकोले अनुगमनलाई साविक भन्दा बढि चासो देखाउनु परेको उनले बताए ।  

 

photo

NOC1-250x300