आजको पत्रपत्रिकाहरुमा छापिएका मुख्य समाचारहरु

भारतबाट ३३ बालबालिकाको उद्दारदेखि राप्रपाको patrapatrika-bimal-1-1आक्रोशसम्म

६ चैत, काठमाडौं । आइतबार काठमाडौंबाट प्रकाशित सबैजसो दैनिक पत्रिकाहरुमा निर्वाचन आयोगले आफ्नो विधानबाट ‘राजतन्त्र’ र ‘हिन्दू राष्ट्र’ हटाएकोमा सत्ताघटक राप्रपाले आन्दोलन गर्ने चेतावनी दिएको समाचारलाई फ्रन्टपेजमा छापेका छन् । त्यस्तै, भारतबाट ३३ बालबालिकाको उद्दार भएको समाचार र प्रधानमन्त्री पुष्पकमल दाहालले आगामी चैत १० गतेदेखि गर्ने चीन भ्रमणको एजेण्डा तय भएको समाचारले पनि फ्रन्टपेजमा स्थान पाएका छन् ।

यससँगै नयाँ पत्रिका दैनिकले एमाले अध्यक्ष केपी शर्मा ओलीले सुर्खेतबाट नेपाली कांग्रेसको कन्तबिजोग भएको बताएको समाचारलाई खास महत्व दिएको छ । त्यस्तै ‘गैंडाले खुट्टा लुछेका शोभाराम वन्यजन्तु संरक्षणमा’ शीर्षकको समाचारले पनि महत्वपूर्ण स्थान पाएको छ ।

मोरङमा दसगजा मिचेर भारतले सडक निर्माण गरेको समाचारलाई प्राथमिकताका साथ छापेको अन्नपूर्ण पोस्ट् दैनिकले सत्य निरुपण तथा मेलमिलाप आयोगमा पीडक चोख्याउने षणयन्त्र भएको उल्लेख गरेको छ ।

मेलम्चीको पानी असोजमा पनि काठमाडौंमा नआउनेलाई मुख्य समाचार बनाएको नागरिक दैनिकले प्रधानमन्त्री पुष्पकमल दाहालबाट कार्यकर्ता रिझाउन बजेट बाँडेको समाचारलाई महत्वपूर्ण स्थान दिएको छ ।

स्थानीय चुनावमा सुरक्षाका लागि प्रहरीसँगै सेना पनि परिचालन हुने समाचारलाई राजधानी दैनिकले एंकर बनाएको छ ।

आजदेखि मतपत्र छापिने समाचारलाई प्राथमिकता दिएको कान्तिपुर दैनिकले सुन तस्करीहरुको अस्वभाविक सम्पत्ति भएको समाचारलाई पनि महत्व दिएको छ ।

बैंक तथा वित्तीय संस्थासम्बन्धी विधेयक सभामुखको सचिवालयमा रोकिएकोलाई महत्वका साथ छापेको गोरखापत्र दैनिकले साढे चार लाख महिलाको राहदानी अस्पष्ट भएकोलाई एंकर समाचार बनाएको छ ।

प्रतिक्रिया दिनुहोस्
सम्बन्धित वर्गका समाचारहरू

प्रधानमन्त्री प्रचण्डद्धारा लैनचौरमा रहेको सहिद स्मारकमा पुष्पगुच्छा अर्पण

१६ माघ, काठमाडौं । प्रधानमन्त्री पुष्पकमल दाहाल प्रचण्डले सहिद दिवसको अवसरमा लैनचौरमा रहेको सहिद स्मारक

राष्ट्रपतिद्वारा सहिदप्रति श्रद्धाञ्जली अर्पण

१६ माघ, काठमाडौं । राष्ट्रपति विद्यादेवी भण्डारीले सहिद दिवस, २०७९ को अवसरमा नागरिक स्वतन्त्रता, लोकतन्त्रको

अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश

१४ माघ, काठमाडौं । अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश गरेकी छिन

चर्चित लोक तथा दोहोरी गायक भीम पौडेलको निधन

१३ माघ, काठमाडौं । चर्चित लोक तथा दोहोरी गाएक भीम पौडेलको निधन भएको छ ।

एमाले अध्यक्ष ओली र प्रधानमन्त्री प्रचण्डको बालुवाटारमा भेटवार्ता

१३ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष एवं पुर्व प्रधानमन्त्री

देशभर विद्याकी देवी सरस्वतीको पूजा आराधना गरिँदै

१२ माघ, काठमाडौं । प्रत्येक वर्ष माघ शुक्ल पञ्चमीकै दिन मनाइने ‘श्रीपञ्चमी’ पर्व आज विद्याकी