आजका दैनिक पत्रपत्रिकाको फ्रन्टपेजः बैंकको तरलता अभावदेखि मुटुरोगको उपचार नि:शुल्कसम्म

१६ माघ, काठमाडौं । आइतबार काठमाडौंबाट प्रकाशित दैनिक पत्रपत्रिकाको फ्रन्टपेजमा फरक-फरक समाचारले स्थान पाएका छन् ।

नयाँ पत्रिका दैनिकले बैंकमा भएको तरलता अभावको कारणबारेको समाचारलाई खास महत्व दिएको छ ।IMG_9186

 

अन्नपूर्ण पोस्ट् दैनिकले स्थानीय तह पुनर्संचनाका विषयमा दलरुबीच बढेको विवादसम्बन्धी समाचारलाई फ्रन्टपेजमा प्रकाशित गरेको छ । त्यस्तै उच्च अदालतमा न्यायाधीश नियुक्ति विवादसम्बन्धी समाचारलाई पनि महत्वका साथ छापेको छ ।

राजधानी दैनिकले प्रधानमन्त्री पुष्पकमल दाहाल सरकार समर्थककै घेराबन्दीमा परेको समाचार र न्यायाधीश नियुक्ति विवादले अदालतमा बार-बेन्चबीच टसल बढेको समाचारलाई प्राथमिकता दिएको छ ।

नागरिक दैनिकले बाथ मुटुरोग उपचार निशुल्क हुने समाचारलाई प्राथमिकताका साथ प्रकाशित गरेको छ । त्यस्तै फेरि २५ मेगावाट बिजुली थपिने समाचारले पनि फ्रन्टपेजमा स्थान पाएको छ ।

कान्तिपुर दैनिकले शरणार्थीविरुद्ध अमेरिकी राष्ट्रपति ट्रम्पले कठोर निर्णय लिएकोलाई मुख्य समाचार बनाएको छ । त्यस्तै, प्रधानमन्त्रीले माघ १५ भित्र चुनाव घोषणा हुन्छ भनेको, तर नभएको समाचारलाई प्राथमिकता दिएको छ ।

गोरखापत्र दैनिकले जिल्लास्तरमा दल दर्ता गर्न राजनीतिक दल उदासीन भएको समाचारलाई महत्व दिएको छ ।

नेपाल समाचारपत्र दैनिकले एनआरएनएका संस्थापक अध्यक्ष उपेन्द्र महतोले कर छली गरेकोसम्बन्धी समाचारलाई फ्रन्टपेजमा प्रकाशित गरेको छ ।

 

photo

NOC1-250x300