आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले आगामी सरकार एमालेको नेतृत्वमा बनेमा नेपाली श्रमिकहरुको तलब २५ हजार पुर्‍याउने उदघोष गर्नुभएको छ ।   

आइतबार नेपाल ट्रेड युनियन महासंघ(जिफन्ट) ले पाँचौ सामाजिक सुरक्षा दिवसको अवसरमा राष्ट्रिय सभागृहमा आयोजित कार्यक्रमलाई सम्बोधन गर्ने क्रममा नेता रिमालले यस्तो  बताउनुभएको हो ।       

“योगदानमा आधारित सामाजिक सुरक्षा कोष सुरु हुने दिनलाई हामीले नयाँ युगको सुरुवात भनेका थियौं । रमाइलो र भन्नका लागि मात्र होईन सामाजिक सुरक्षा कोषले समग्र श्रम क्षेत्रलाई फेर्नेछ भन्ने बिश्वासका साथ नयाँ युगको सुरुवात भनेका थियौं  भन्दै नेता रिमालले भन्नुभयो सामाजिक सुरक्षालाई दीर्घकालीन रुपमा टिकाउनको लागि हामी सबै एक भएर लाग्नु पर्ने कुरामा जोड दिंदै आगामी सरकार एमालेको नेतृत्वमा बनेमा आउने पाँच वर्षभित्रमा नेपाली श्रमिकहरुको न्युनतम तलब २५ हजार पुर्‍याउन नेकपा (एमाले) प्रतिवद्ध रहेको बताउनुभयो ।”   

“नेपाल ट्रेड युनियन महासंघ (जिफन्ट) का अध्यक्ष एवं नेकपा (एमाले) पोलिटब्युरो सदस्य विनोद श्रेष्ठले अब जिफन्टको गत श्रावण महिनाको दोस्रो साता सम्पन्न आठौं राष्ट्रिय महाधिवेशनबाट पारित नीतिलाई कार्यान्वयनमा केन्द्रीत गर्दै हामीलाई महाधिवेशनले सामाजिक सुरक्षाको सन्दर्भमा तयार गरेको नारा’हाम्रो भविष्य,सामाजिक सुरक्षा-सहकार्य,योगदान र सहभागिता’ लाई कार्यान्वयन गर्दै आगामी ४ वर्षमा कम्तिमा २० लाख श्रमिकहरुलाई सामाजिक सुरक्षा योजना कार्यक्रममा आवद्ध गर्ने अभियानमा निरन्तर लाग्ने बताउनुभयो ।”             

“सामाजिक सुरक्षा कोषका महानिर्देशक कपिलमणी ज्ञवलीले पाँचौ सामाजिक सुरक्षा दिवसको अवसरमा श्रमिकहरुलाई शुभकामना दिंदै जिफन्टले योगदानमा आधारित सामाजिक सुरक्षा कार्यान्वयनको लागि महत्त्वपूर्ण भुमिका निर्वाह गरेको र हालै बसेको संचालक समितिको बैठकले अनौपचारिक र  स्वरोजगार क्षेत्रमा कार्यरत श्रमिकहरुका निम्ति सामाजिक सुरक्षा कार्यविधि संचालक समितीबाट सिफारिस गरेर मन्त्रालयमा पठाएको र उक्त कार्यविधि मन्त्रालयबाट स्वीकृत हुनेमा बिस्वस्थ रहेको बताउनुभयो ।”

“कार्यक्रममा I.L.O का यसिया प्रमुख ब्रुनोडेसि क्लियरले जिफन्टले गरेको कामहरू प्रती आफुहरु प्रभावित रहेको र योगदानमा आधारित सामाजिक सुरक्षालाई अनौपचारिक,स्वरोजगार र अन्य क्षेत्रहरुमा पनि कार्यान्वयन गरेर जानुपर्ने बताउनुभयो ।”

“त्यस्तै कार्यक्रमको अतिथि एवं बुढानिलकण्ठ नगरपालिकाको उपमेयर अनिता लामाले बुढानिलकण्ठ नगरपालिकामा २०७६ सालमै बनेको श्रम समितिको कार्यविधि अनुसार श्रम डेस्क निर्माण गर्दै विगत ३ महिनादेखि श्रमिकहरुको सूचीकरण कार्य जारी रहेको र सुचिकृत श्रमिकहरुको संख्या १ हजार नाघेको बताउदै श्रमिक डेस्कको लागि नगरपालिकाले दुई जना कर्मचारीनै छुट्याएर सामाजिक सुरक्षा समन्धी काम गरिरहेको बताउनुभयो ।”

कार्यक्रममा लोकप्रिय मजदुर नेता एवं योगदानमा आधारित सामाजिक सुरक्षा अभियान्ता गणेश रेग्मी,जिफन्ट महिला कमिटीको अध्यक्ष सीता लामा लगाएतको विशेष उपस्थिति रहेको थियो । सामाजिक सुरक्षा दिवसको अवसरमा जिफन्टले पोखरा लगाएतका अन्य शहरहरुमा पनि कार्यक्रमको आयोजना गरेको थियो ।       

प्रतिक्रिया दिनुहोस्
सम्बन्धित वर्गका समाचारहरू

प्रधानमन्त्री प्रचण्डद्धारा लैनचौरमा रहेको सहिद स्मारकमा पुष्पगुच्छा अर्पण

१६ माघ, काठमाडौं । प्रधानमन्त्री पुष्पकमल दाहाल प्रचण्डले सहिद दिवसको अवसरमा लैनचौरमा रहेको सहिद स्मारक

राष्ट्रपतिद्वारा सहिदप्रति श्रद्धाञ्जली अर्पण

१६ माघ, काठमाडौं । राष्ट्रपति विद्यादेवी भण्डारीले सहिद दिवस, २०७९ को अवसरमा नागरिक स्वतन्त्रता, लोकतन्त्रको

अमर शहीद धर्मभक्त बारे केही कुरा

  १६ माघ,काठमाडौं । वि.सं. १९९७ साल माघ ११ गते बिहान काठमाडौं शहरबाट पशुपतिको दर्शन

अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश

१४ माघ, काठमाडौं । अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश गरेकी छिन

चर्चित लोक तथा दोहोरी गायक भीम पौडेलको निधन

१३ माघ, काठमाडौं । चर्चित लोक तथा दोहोरी गाएक भीम पौडेलको निधन भएको छ ।

एमाले अध्यक्ष ओली र प्रधानमन्त्री प्रचण्डको बालुवाटारमा भेटवार्ता

१३ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष एवं पुर्व प्रधानमन्त्री