आईजीपी बन्ने सबैको सपना पूरा हुँदैन : अर्याल

IGP_aryal-58ed737539d7d8.24169894

म संगठनको बफादार सिपाही हुँ । मभन्दा माथि संगठन छ । मजस्तै करिब ७२ हजार कर्मचारी मिलेर प्रहरी संगठन बनेको छ । आफ्नो ब्याचको टपर भए पनि मैले जयबहादुर चन्दलाई आईजीपी बनाउने निर्णयलाई अन्यथा लिइनँ । मेरो कारणले संगठनलाई अप्ठ्यारो पार्नुहुन्न भन्ने धारणा मेरो छ ।

म जहाँ बसेर पनि काम गर्न तयार थिएँ । तर, सर्वोच्च अदालतले दुई जना डीआईजीको मात्र कार्यसम्पादन मूल्यांकन फाइल मगाउँदा मलाई असहज लागेको थियो । त्यसैले आफ्नो पनि कार्यसम्पादन मूल्यांकन हेरियोस् भनी रिट हालेको थिएँ । सर्वोच्चको फैसलाले मेरो चाहना पनि सम्बोधन हुने देखेपछि रिट फिर्ता लिएँ । सरकारले मलाई आईजीपी बनाएको छ । यसलाई आश्चर्यभन्दा बढी मेरो कामको सम्मान गरेको रूपमा बुझेको छु । संगठनमा प्रहरी निरीक्षकमा नाम निकाल्ने हरेकको सपना हुन्छ, आईजी बन्ने । तर, सबैको सपना पूरा हुँदैन । कहिले काहीँ बेस्टले पनि पाउँदैन तर मैले नै पाउनुपर्छ जसरी पनि मै हुनुपर्छ भन्ने जिद्दी गर्नु हुँदैन ।

तपार्इं ओझेलमा परेरै भए पनि काम गरिरहनुभयो, अब संगठनलाई कसरी अगाडि बढाउनुहुन्छ ?

मैले जहिले पनि आफूभन्दा कामलाई अगाडि राखें । त्यसकारण ओझेलमा परेको हुन सक्छु । मेरो कामलाई हेर्नुभयो भने मेरो क्षमता आफैं मूल्यांकन गर्न सक्नुहुन्छ । अब पनि मैले कामलाई नै अगाडि राख्नेछु । हाम्रो काम भनेको जनतालाई सुरक्षा र शान्ति प्रत्याभूत गराउनु हो । यो नै मेरो प्राथमिकता हुनेछ । म जनताको सुरक्षालाई विस्तार गर्नेछु ।

प्रहरी संगठनमा राजनीतिक हस्तक्षेप प्रस्ट रूपमा देखियो । संगठनमा प्रहरी हस्तक्षेपलाई कसरी हेर्नुहुन्छरु
जे भयो, त्यो नहुनुपथ्र्यो । संगठनको नेतृत्व चयन स्पष्ट र सुनिश्चित गर्नुपर्छ । बाहिरी तत्वले खेल्ने र संगठनलाई अप्ठ्यारोमा पार्ने काम नहोस् । प्रहरी संगठन निकै संवेदनशील र जनताको सुरक्षासँग जोडिएको विषय हो । यस्तो संस्थाको नेतृत्व गर्ने आकांक्षीलाई गुमराहमा राख्नुहुन्न । प्रहरी कर्मचारीलाई

थाहा होस् कि मैले व्यावसायिक रूपमा यो-यो गरें भने भोलि संगठनको नेतृत्व गर्ने सम्भावना रहन्छ । त्यो कसरी हुन्छ ?

नेतृत्व चयन प्रणालीलाई तार्किक, स्पष्ट र पारदर्शी बनाउनुपर्छ । यसका लागि पफर्मेन्स म्यानेजमेन्ट सिस्टम अगाडि ल्याउनुपर्छ । मुख्य कुरा सबैभन्दा राम्रो गर्नेले मात्र नेतृत्व गर्न पाउनुपर्छ, त्यसैको सुनिश्चितता हुनुपर्छ । तर, हाम्रा ऐन, नियमावलीमा धेरै समस्या छ । ऐन, नियमावलीले यी विषयलाई स्पष्ट सम्बोधन गर्दैनन्, यही कारणले समस्या आएको हो । कानुनतः हामीले पारदर्शी बनायौं भने यो समस्या दोहोरिँदैन । यसका लागि ऐन, नियमावली परिमार्जन आवश्यक छ । मेरो कार्यकालमा यसका लागि प्रयास हुनेछ ।

दुई महिनायता संगठन तरलताको स्थितिमा छ । नियुक्ति विवादले संगठनमा गुट-उपगुट बढेको छ, चुनौती त धेरै छन् नि ?

हामी सबै प्रहरीको उद्देश्य एउटै हो, देशमा शान्ति-सुरक्षा स्थापना गर्ने, जनतालाई अधिकतम सुरक्षा प्रत्याभूति गराउने । हरेक प्रहरी कर्मचारीको उद्देश्य यही हुनुपर्छ । यो कुरामा सहमत हुने हो भने सबै प्रहरी एक ठाउँमा हुन्छौं । यसको विकल्प म देख्दिनँ । हरेक प्रहरी कर्मचारी मिलेर अगाडि बढे मात्र संगठन बलियो हुन्छ, म, हामी बलियो हुन्छौं । संगठनमा संस्कारको विकास गर्ने हामीले नै हो । संस्थामा व्यावसायिक अभ्यास स्थापित गर्नुपर्छ । हरेक प्रहरी कर्मचारी यसमा प्रतिबद्ध हुनुपर्छ । मलाई विश्वास छ, सबै कर्मचारीलाई मिलाएर अगाडि बढाउन म सफल हुनेछु । सबैलाई समेटेर लैजान म प्रतिबद्ध छु ।

तपाईंको कार्यकाल एक वर्षको छ, काम गर्न समय पर्याप्त छ ?

नभएको कुरामा चिन्ता गर्दिनँ । जति उपलब्ध छ, त्यसैलाई अधिकतम सदुपयोग गर्नेछु । जुन समय(सीमा छ, त्यसलाई आधार बनाएर योजनासाथ काम गर्न सकिन्छ । एक वर्षको समय पनि थोरै होइन । राम्रो काम गर्ने सोच राख्ने हो भने पर्याप्त छ तर धेरैचाहिँ होइन । अन्नपुर्णपोस्ट बाट साभार गरीको

प्रतिक्रिया दिनुहोस्
सम्बन्धित वर्गका समाचारहरू

सरकार भ्रष्ट भयाे : रवीन्द्र मिश्र

By Peoplenepal काठमाडौँ, १२ असोज । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले

मेयर बासुदेव थापाद्धारा नारायण भगवानको दश अवतार मन्दिर समुद्घाटन

१२ असोज,भक्तपुर । सुर्यविनायक नगरपालिका ७ गुण्डु कार्की गाउमा नव निर्मित नारायण भगवानको दश अवतार

अर्जुनबन्धु रेग्मीको दादागिरी,निर्माणकार्यको पैसा माग्दा ज्यानमार्ने धम्की

११असोज,काठमाडौं । सिन्धुज्वाला हाईड्रोका चियरम्यान अर्जुन बन्धु रेग्मीले हाइड्रोपावरको प्रिफ्याब भवन तथा मेसिनरीवाल निर्माण कार्य

मध्यपुर थिमी वडा नं ४ को कार्यालय उद्धाटन तथा शुभकामना आदानप्रदान कार्यक्रम सम्पन्न

११ असोज,भक्तपुर । नेकपा (एमाले) मध्यपुर थिमी वडा नं ४ को कार्यालय उद्धाटन तथा बडा

तरुण विभागका केन्द्रीय सदस्य सहित दर्जनौं युवाहरू एमाले प्रवेश

१० असोज ,भक्तपुर । नेपाली काङ्ग्रेसको तरुण विभागको केन्द्रीय सदस्य अरुण सापकोटा र नेकपा एकीकृत

सिन्धुज्वाला हाईड्रोमा ब्रम्हलुट,सेयर सदस्यको पैसाले चुर्नप्रसादको पेट्रोल पम्प

१० असोज,काठमाडौं । सिन्धुपाल्चोकको गुम्बा स्थित निसमखोलामा कार्यक्षेत्र हुने गरि दर्ता भएको ४३ मेगावाटको सिन्धुज्वाला