आइजीपीबारे देउवाले मुख खोले

Sherbahadur-Deuba_1-450x350१८ चैत, बिराटनगर । नेपाली कांग्रेसका सभापति शेरबहादुर देउवाले नेपाल प्रहरीको आइजीपी नियुक्ति गर्ने अधिकार सरकारको भएको भन्दै घुमाउरो पारामा अदालतलाई जवाफ दिएका छन् ।

बिराटनगरको हाटखोलमा आयोजित नेपाली कांग्रेसको चुनाव लक्षित सभालाई सम्वोधन गर्न शुक्रबार बिहान बिराटनगर ओर्लिएका सभापति देउवाले विमानस्थलमा पत्रकारसँग कुरा गर्ने क्रममा आइजीपी प्रकरणबारे मुख खोलेका हुन् ।

सरकारले जयबहादुर चन्दलाई आएजीपी नियुक्त गरेकोमा सर्वोच्च अदालतले रद्द गरिदिइसकेको छ । र, अदालतले नवराज सिलवाललाई आइजीपी बनाउनुपर्ने गरी आदेश दिए पनि सरकारले यसबारे कुनै निर्णय गरेको छैन । यसबारेमा पत्रकारले जिज्ञासा राख्दा कांग्रेस सभापति देउवाले आइजीपी नियुक्त गर्ने अधिकार सरकारको भएको बताए ।

देउवाले अदालतको नाम नलिई आईजीपी बनाउने अधिकार सरकारमा रहेको भन्दै यो विवाद चाँडै सरकारले टुङ्याउने बताए ।

सञ्चारकर्मीले अब फेरि जयबहादुर चन्दलाई आइजीइपी बनाउने हो रु भनेर देउवालाई प्रश्न गरेका थिए । जवाफमा देउवाले भने- ‘हेर्दै जाउँ, आईजीपी को हुन्छ ?’

 

photo

NOC1-250x300