आइजिपी बन्न प्रकाश अर्यालको दौड, तीन पटकसम्म शेरबहादुरको दैलोमा, प्रचण्ड मनाउने हतकण्डा फेल

prakash-aryal

काठमाडौं, नेपाल प्रहरीका डिआइजी तथा ट्राफिक प्रहरी प्रमुख प्रकाश अर्याल आइजिपी बन्ने चक्करमा राजनीतिक दलका नेताहरुको घरदैलोमा पुग्न थालेका छन् ।

अर्यालले पूर्व प्रधानमन्त्री तथा नेपाली कांग्रेसका सभापति शेरबहादुर देउवासँग तीन पटकसम्म भेट गरिसकेका छन् । ‘मैले तीन पटकसम्म शेरबहादुर दाइलाई भेटिसकेँ, तर केही उपलब्धि भएको छैन,’ उनको भनाई उदृत गर्दै स्रोतले भन्यो,‘पछिल्लो भेट अलि सकारात्मक भएको जस्तो आभास भएको छ ।’

अर्यालले शुक्रबार विहान पनि कांग्रेस सभापति शेरबहादुर देउबालाई भेटेका थिए । देउबा निवास बुढानिलकण्ठमा निलो स्कोरपिओ चढेर पुगेका अर्यालले आफूलाई आइजिपी बनाउँन दबाव दिएका थिए ।

विशेष स्रोतका अनुसार उनले आईजिपी बनाई पाउँ भन्दै माओवादी केन्द्रका अध्यक्ष तथा प्रधानमन्त्री प्रचण्डसँग समेट पटकपटक भेटेका छन् । तर, प्रधानमन्त्री प्रचण्ड भने यसअघि सरकारले नियुक्त गरेको आइजिपी जय बहादुर चन्दको पक्षमा छन् ।

सर्वोच्च अदालतले फैसला गरेको बरियता क्रममा अर्याल दोस्रो नम्बरमा रहेका छन् । तर, सर्वोच्चको फैसला त्रुटिपूर्ण रहेको र बरियता क्रममा डिआइजी प्रकाश अर्याल पहिलो नम्बरमा रहेको प्रमाण गृह मन्त्रालय तथा लोकसेवा आयोगमा भेटिएको रिपोर्ट सार्वजनिक भएको थियो ।

प्रहरीको इन्सपेक्टरमा समेत पहिलो नम्बरमा नाम निकालेका अर्याल अब्बल प्रहरी अधिकृतको रुपमा चिनिन्छन् ।

सर्वोच्च अदालतले नेपाल प्रहरीको आइजिपी नियुक्ती प्रक्रियामा हात हालेपछि यतिबेला प्रहरी संगठनमा अन्यौलता छाएको छ । सरकारले यसअघि जय बहादुर चन्दलाई नेपाल प्रहरीको आइजिपीमा नियुक्त गरेको थियो । तर, सर्वोच्च अदालतले सरकारको निर्णय बदर गरेको थियो ।

नेताहरुसँगको भेटघाटको विषयमा प्रतिक्रियाको लागि अर्यालसँग सम्पर्क गर्दा उनले आफू छलफलमा व्यस्त रहेको जानकारी दिए ।

प्रतिक्रिया दिनुहोस्
सम्बन्धित वर्गका समाचारहरू

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

प्रचण्डले विचार र सिद्धान्त छोड्दा सिद्धियो माओवादी !

नेपालमा २०५२ फागुन १ गतेबाट जनयुद्द शुरु भयो । नेकपा माओवादी केन्द्रका अध्यक्ष पुष्पकमल दाहाल

२९४ रुपैयाँमा २० जीबी डाटा : नेपाल टेलिकमको चुनावी अफर

२७ कात्तिक, काठमाडौं । नेपाल टेलिकमले आगामी मंसिर ४ गते हुने प्रतिनिधिसभा तथा प्रदेशसभा निर्वाचनमा

निर्वाचन आयोग आचारसंहिता भनेको भन्यै गर्ने तर कसैले नटेर्ने !

मुलुकमा यतिखेर चुनावी माहौल तातेको छ । सम्पुर्ण राजनीतिक दलका नेताहरुलाई चुनावी प्रचारप्रसारमा भ्याइनभ्याइ छ

प्रतिनिधि सभा सदस्य प्रत्यक्ष तर्फ दोलखा जिल्लाको निर्वाचन क्षेत्रअनुसार विवरण

२० कार्तिक,दोलखा । निर्वाचन आयोगले दोलाखाको  प्रतिनिधिसभा सदस्यतर्फ पहिलो हुने निर्वाचित हुने निर्वाचन क्षेत्रअनुसारको विवरण

निर्वाचन आयोगले सय वटा मतदान केन्द्रलाई अपाङ्ग मैत्री बनाउने

१६,कार्तिक,काठमाडौं । आगामी प्रतिनिधिसभा र प्रदेशसभा निर्वाचनको लागि निर्वाचन आयोगले १०० वटा मतदान केन्द्रलाई अपाङ्ग