अाँसु झार्दै गच्छदार : अब काँग्रेस छोड्दिनँ

काठमाडौं, ३० असोज : नेपाली काँग्रेस र नेपाल लोकतान्त्रिक फोरमबीच पार्टी एकता भएको छ । प्रधानमन्त्री निवास बालुवाटारमा नेपालाी काँग्रेसका सभापति र शेर बहादुर देउवा तथा लोकतान्त्रिक फोरमका अध्यक्ष विजयकुमार गच्छदारले पार्टी एकताका लागि भएको सहमति पत्रमा हस्ताक्षर गरेका छन् ।

nepali-congress-and-forum

पार्टी एकता घोषणा कार्यक्रममा प्रधानमन्त्री एवं काँग्रेस सभापति देउवाले लोकतन्त्र पक्षधरबीच पार्टी एकीकरणले आफ्नो पार्टी चुनावमा पहिलो हुने बताएका छन् । काँग्रेस वरिष्ठ नेता रामचन्द्र पौडेलले वामपन्थी गठबन्धनका कारण आफूहरु नयाँ गठबन्धन बनाउन बाध्य भएको बताएका छन् । हिमाल, पहाड र तराई जोड्न महत्वपूर्ण भूमिका खेलेको भन्दै पौडेलले गच्छदारको प्रशंसा समेत गरेका छन् ।

फोरम अध्यक्ष गच्छदारले मुलुकमा वामपन्थी दलबीचको गठबन्धनले लोकतन्त्र रहने कि नरहने आशंका उब्जिएपछि लोकतन्त्रको रक्षाका लागि काँग्रेससँग पार्टी एकता गर्नुपरेको बताएका छन् ।

सम्बोधनका क्रममा आफूले पार्टी छोड्नु परेको दिन सम्झेर भावुक भएका नेता गच्छदारले दुबै पार्टीबीचको यो एकताले सम्पूर्ण नेता कार्यकर्तामा उत्साह थपिने र आसन्न निर्वाचनमा काँग्रेस नेतृत्वको लोकतान्त्रिक गठबन्धनले बहुमत प्राप्त गर्ने विश्वास व्यक्त गरेका छन् । त्यस्तै  अबदेखि अाफूले कहिल्यै नेपाली काँग्रेस नछोड्ने समेत उनले बताएका छन् ।

 

 

photo

NOC1-250x300