असिनाले भरियो राजधानी

  चैत्र, १२-  काठमाडौँ उपत्यका र आसपासका क्षेत्रमा  हिजो साँझ असिनासहितको भारी वर्षा भएको छ । स्थानीय वायुको प्रभावका कारण लामो समयदेखि विकास भएको प्रणालीले बदलीसँगै असिना र वर्षा गराएको मौसमविद् समीर श्रेष्ठले बताए। उनका अनुसार काठमाडौँ उपत्यकाको उत्तरतर्फको भेगमा भारी असिना वर्षात् भएको छ ।
यो केही समय रोकिए पनि बदली रातभर रह्यो । खासगरी देशका मध्य र पश्चिमी पहाडी भेगमा बदली रहने रहेको मौसमविद् श्रेष्ठको भनाइ छ । स्थानीय वायुको प्रभावका कारण असिनासहितको वर्षात् भएको र यो प्रणाली उत्तरबाट दक्षिणतर्फ झर्दै गरेकाले सोको असर देखिएको हो ।  हिजो काठमाडौँ उपत्यकाको अधिकतम २३ र न्यूनतम तापक्रम १२ डिग्रिसेल्सियस रहेको मौसम पूर्वानुमान महाशाखाले जनाएको छ । रासस

 

 

photo

NOC1-250x300