अर्थ तथा विकास समितिबाट दीपक मनाङेले राजीनामा दिए, भन्छन्- यसको कामै छैन

गण्डकी प्रदेश सभा सदस्य राजीव गुरुङ (दीपक मनाङे)ले अर्थ तथा विकास समितिको सदस्यबाट राजीनामा दिएका छन् । उनले उक्त समितिको कुनै काम नरहेको भन्दै राजीनामा दिएका हुन् ।

समितिका सभापति दीपक कोइरालालाई शुक्रबार राजीनामा बुझाउँदै सांसद गुरुङले भने, ‘कामै नभएको समितिमा बसिरहनु औचित्य देखिनँ । त्यही भएर राजीनामा दिएँ ।’

उनले उक्त समितिलाई नाम मात्रको समितिको संज्ञा दिँदै कुनै पनि अधिकार प्राप्त नभएकाले औचित्यविहीन समितिमा बस्न आफैंलाई लाज लागेर राजीनामा दिएको निष्कर्ष सुनाएका छन् ।

उनले स्थानीय दैनिक समाधानसँग कुरा गर्दै अगाडि थपे, ‘ठेक्का पट्टामा मन्त्रीका नजिकका मान्छे इन्जिनियर छन् । अनुगमन गर्ने भनेको त्यस्तै हो । समितिमा हुँदा म पनि अनुगमनमा गएँ । तर भक्ता मात्र लिने काम जस्तो देखियो । अनियमतता देखिएपनि कारवाही गर्ने अधिकारै छैन ।’

गिटी वालुवको टेन्डरमा ठूलो भ्रष्टाचार रहेको सांसद गुरुङको आरोप छ । यस्तो भ्रष्टाचारमा कर्मचारी, नेतादेखि सबै मिलिरहेको उनले स्पष्ट पारे । उनले भने, ‘कोत्रेमा हेर्नुस् न मुख्यमन्त्रीदेखि मन्त्री सबै त्यहीँ बाटो ओहोरदोहोर गर्छन् । तर त्यहाँ भइरहेको चरम दोहनको वास्तै गर्दैनन् ।’

 

photo

NOC1-250x300