अमेरिका उक्साउँछ भने हामी परमाणु हमला गर्छौं : उत्तर कोरिया

North-Korea-military-power-demonstration

हरेक हप्ता परमाणु हतियार परीक्षण गर्ने चेतावनी

बीबीसीसँगको कुराकानीमा उत्तर कोरियाका उपविदेशमन्त्री हैन सोंग युलले भने, ‘अमेरिका यदि हामीलाई उक्साउँछ भने हामी पनि युद्धको लागि तयार छौं र हामी परमाणु हमलाबाट जवाफ दिनेछौं ।’ अन्तर्राष्ट्रिय दवाब र अमेरिकासँग बढ्दै गएको तनावको बावजुद उत्तर कोरियाले आफ्नो मिसाइल कार्यक्रममा कति पनि कमी नल्याउने स्पष्ट पारेको छ ।

हैन सोंग युलले भने, ‘हामी अब अरु धेरै मिसाइल परीक्षण गर्नेछौं । हामी हरेक हप्ता, हरेक महिना र हरेक वर्ष मिसाइल परीक्षण गर्नेछौं ।’

यसभन्दा अघि अमेरिकाका उपराष्ट्रपति माइक पेंसले उत्तर कोरियालाई अमेरिकाको धैर्यताको परीक्षण नलिन चेतावनी दिएका थिए । उनले भनेका थिए, ‘उत्तर कोरियासँग कुटनीतिक संंयमता अपनाउने दिन गइसकेको छ ।’

उत्तर कोरियाको असफल भनिएको मिसाइल परीक्षणपछि दक्षिण कोरियाको राजधानी सोल पुगेका माइक पेंसले सञ्चारमाध्यमसँग उक्त कुरा बताएका थिए ।

पछिल्ला दिनहरुमा उत्तर कोरिया र अमेरिकाको वाकयुद्ध उत्कर्षमा पुगेको छ । चीनले पनि दुवै देशबीच कुनै पनि बेला युद्ध हुन सक्ने चेतावनी दिएको छ ।

 

photo

NOC1-250x300