अब शेरबहादुर देउवाको पनि ओलीको जस्तै हालत हुन्छ : चित्रबहादुर केसी

    ५ पुष २०७८, सोमबार  । राष्ट्रिय जनमोर्चाका अध्यक्ष चित्रबहादुर केसीले एमसीसी नेपाली जनताले नचाहेको स्पष्ट पारेका छन् । उनले आफूहरु पाँच दलीय सत्तारुढ गठबन्धनमा सामेल भएको त प्रतिगमनको विरुद्धमा लड्न भएको उल्लेख गरे । आज विहान नेपाली रेडियो नेटवर्कबाट प्रसारण भएको नेपाली वहस कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले एमसीसी पास गराउनको लागि विगतमा केपी शर्मा ओलीले पनि प्रयास गरेको सुनाए । धमलासँगको कुराकानीमा उनले भने–‘पहिले खड्गप्रसाद ओलीले नै हो नि एमसीसी पास गरेर अमेरिकी साम्राज्यवादको आर्शीवाद लिन खोजेको त । उनी असफल भए त । अब शेरबहादुर देउवाको पनि हालत ओलीको जस्तै हुन्छ ।’ प्रस्तुत छ अध्यक्ष केसीसँग पत्रकार धमलाले गरेको कुराकानीको सम्पादित अ

प्रधानमन्त्री शेरबहादुर देउवाले एमसीसी पारित गर्नुपर्यो भनेर भनिरहनुभएको छ अनि तपाईँहरुले किन असहयोग गरेको ?

एमसीसी नेपाल र नेपाली जनताको हितमा छैन् । यसलाई त राष्ट्रघातीले पो हो त सहयोग गर्ने अनि पास गर्ने, राष्ट्रिय जनमोर्चा त देशभक्ति शक्ति हो नि। साम्राज्यवादको उसले दलाली कहिल्यैपनि गर्दैन् । त्यसो भएको हुनाले राष्ट्रिय जनमोर्चाले विरोध गर्छ ।

तपाईँहरु पनि सत्ता गठबन्धनमा हुनुहुन्छ, अनि तपाईँहरुले विरोध गर्दा राम्रो मेसेज गएन नि ?

गठबन्धनमा हुनु भनेको साम्राज्यवादको एजेण्डा बोकेर देशलाई बेच्नको लागि हो र ? गठबन्धनमा सामेल भएको त प्रतिगमनको विरुद्धमा लड्न हो नि।

तर, अहिले नेताहरुले पनि एमसीसी भनेको अहिलेको आवश्यकत्ता हो भनिरहेका छन्, प्रधानमन्त्रीदेखि सञ्चारमन्त्रीसम्म एमसीसी पास गर्न ढिलो नगरौं भन्नुभएको छ नि ? अमेरिकालाई चिढ्याउन हुँदैन्, नेपालको विकासमा अमेरिकाको ठूलो हात छ भनेर उहाँहरुले भन्नुभएको छ नि ?

भारतलाई नचिढ्याउँदाखेरि महाकाली सन्धिलगायतका अपर देशका जलस्रोत सबै बेचे यी राष्ट्रघातीहरुले, अब अमेरिकी साम्राज्यवादको गुलामी गरेर आफ्नो सत्ता र शक्तिमा बस्नको लागि चाहीँ दलाली गरिराखेका छन् । नेपाली जनताले यी दलालहरुलाई चिनिसकेका छन् । त्यसो भएको हुनाले कुनैपनि हालतमा एमसीसी पारित गर्ने कुरा मान्य हुँदैन् । राष्ट्रिय जनमोर्चा एमसीसी पास गर्ने कुरामा सहमत हुँदैन् ।

त्यसो भए अहिलेको अवस्थामा तपाईँहरु एमसीसी पास गर्न सहयोग गर्नुहुन्न ?

अहिलेको बखतमा मात्रै होईन, भोलिको बखतमा पनि हाम्रो एमसीसीमा सहयोग हुँदैन्।

होईन, प्रधानमन्त्रीले आग्रह गर्नुभयो भने पारित गराउन सहयोग नगर्ने ?

ओहो, प्रधानमन्त्रीले त आाग्रह–महाकाली चाहीँ भारतलाई बुझाए, अपर कर्णाली बुझाए, अरु पनि कति बुझाए, कतिपय जलस्रोतहरु बुझाए, नेपालका प्राकृतिक साधन र स्रोतहरु विदेशीलाई बुझाउने, यहाँको श्रम शक्ति जति सबै अरबको खाँडीमा पुर्याउने, यस्तो लाईसेन्स चाहीँ यिनीहरुलाई नेपाली जनताले दिएका होईनन् । हाम्रो गठबन्धन चाहीँ प्रतिगमनको विरुद्धमा लड्न हो। अरु राष्ट्रघाती काम गर्नको लागि राष्ट्रिय जनमोर्चाले सहयोग र समर्थन गर्दैन् ।

एमसीसी पास गर्नेगरि भोलिको दिनमा प्रधानमन्त्रीले संसद्मा टेबुल गर्नुभयो भने तपाईँहरु के गर्नुहुन्छ ?

हेर्नुपर्यो नि, के गर्छ भनेर ? हेर्नुपर्छ । पहिला त्यहाँ पेश गर्न दिनुपर्छ। पहिले खड्गप्रसाद ओलीले नै हो नि एमसीसी पास गरेर अमेरिकी साम्राज्यवादको आर्शीवाद लिन खोजेको त । उनी असफल भए त । अब शेरबहादुर देउवाको पनि हालत ओलीको जस्तै हुन्छ ।

तपाईँलाई थाहा छ कि अब एमसीसी पास गराउनको लागि प्रचण्डले प्रधानमन्त्री देउवालाई साथ दिँदै हुनुहुन्छ?

प्रचण्डले के भन्छन् ? माधवले के भन्छन् ? शेरबहादुरले के भन्छन् ? कमल थापाले के भन्छन् ? राष्ट्रिय जनमोर्चाले नेपाली जनता र देशको राष्ट्रियता, अखण्डता र सार्वभौमिकताको सौदावाजी गरेर सत्ता र शक्तिको रजाँई गर्दैन् । अमेरिकी साम्राज्यवादको जुन षड्यन्त्र जोडदार रुपमा बढिरहेको छ, यसबारेमा नेपाली जनताले चनाखो भएर हेरेका छन् । एमसीसीको बारेमा जनमोर्चाले सडक र सदनमा विरोध गर्छ ।

होईन, एमसीसीबारे अध्ययन गर्नको लागि कार्यदल गठन भएको छ, यसले पनि पास गराउन आग्रह गर्ला ? त्यतिवेला तपाईँहरुले के गर्ने ?

गर्ला, पहिला पनि झलनाथ खनालको नेतृत्वमा नेकपामा कार्यदल गठन गरेको थियो । त्यो कार्यदलले पनि कतिपय कुरा संशोधन गर्नुपर्छ भनेर प्रतिवेदन बाहिर ल्याएको थियो । त्यो त अमेरिकीहरुलाई मान्य छैन । एमसीसी संशोधन गरेर अघि बढाउन अमेरिकीलाई मान्य छैन्। त्यसो भएको हुनाले त्यो कार्यदलको औचित्य नै छैन् । जनतालाई झुक्याउन, भुलाउन यदि कसैले षड्यन्त्र गर्छ भने नेपाली जनताबाट उसले माफी पाउँदैन् ।

होईन, तपाईँहरु सधैं किन विरोध गर्नुहुन्छ ?

त्यो कार्यदलले यो एमसीसी नेपाल र नेपालीहरुको हितमा छैन, यो चाहीँ खारेज हुनुपर्छ, यसलाई स्विकार गर्नुहुन्न, एमसीसीका मतियारहरुलाई नेपाली जनताले कारबाही गर्नुपर्छ भन्ने प्रतिवेदन दिनुपर्छ । त्यो मान्य हुन्छ । र, कुनैपनि बहानामा र कुनैपनि हालतमा यो नाटक गरेर अमेरिकी साम्राज्यवादको पासो नेपाली जनताको घाँटीमा बेर्न पाईँदैन् ।

एमालेले एमसीसी पास गराउन सघाउने र ओली र देउवा मिलेर अबको निर्वाचन गराउनेसम्मको कुरा पनि आएको छ नि ?

अब ती कल्पनाको कुरा हुन् । अर्को साल स्थानीय तहको निर्वाचन र आम निर्वाचन नभएको भए यिनले पास गरिसक्दथे । अब चुनाव नजिकिँदै गरेकोले यिनीहरुलाई पास गराउनको लागि महाभारत छ । अमेरिकालाई देखाउन चाहीँ अलि अलि नाटक चाहीँ गर्न सक्छन् । नेपाली जनताको लागि कुनैपनि हालतमा एमसीसी मान्य छैन् । यसलाई खारेज गर्नुपर्छ ।

तपाईँ एमसीसी पनि खारेज गर्ने पक्षमा, अनि संघीयता पनि खारेज गर्ने पक्षमा, जहिल्यैपनि तपाईँ किन यस्तो विरोध गर्नुहुन्छ ? संविधानमा जनताले पाएको हक र अधिकार कुण्ठित गर्ने अवस्थामा पुग्नुभयो ?

संघीयताले त देश टाट पल्टायो । ८७ जना त मन्त्री मात्रै भए प्रदेशमा । खरबौं खरबौं ऋण विदेशबाट काढेर मन्त्री पाल्ने काम भयो ? संघीयताले चाहीँ यति छिटो नै आफ्नो कुरुपता देखायो । संघीयता त धराशयी भैसक्यो । पहिलो शर्त त संघीयता त खारेजी हुनुपर्छ । दोस्रो कुरा एमसीसी पनि खारेज गर्नुपर्छ । संघीयताबारे नेपाली जनताले थाहा पाईसकेका छन् । नेपाली जनतालाई संघीयता र एमसीसी दुवै मान्य छैन् । हाम्रो पार्टी एमसीसीको पक्षमा कुनैपनि हालतमा छैन् ।जीत नेपाली जनताको हुन्छ ।                         coppied by reportsclub.com

प्रतिक्रिया दिनुहोस्
सम्बन्धित वर्गका समाचारहरू

सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख लाई हस्तान्तरण

१४असोज,भक्तपुर ।      सुर्यविनायक नगरपालिका भित्रका सहकारीका बारेमा विज्ञ टोलीद्वारा अध्ययन प्रतिबेदन नगर प्रमुख

जिफण्टले प्रत्येक बुथहरुको लागि पच्चीस हजार स्वयं सेवक परिचालन गर्दैछ,अध्यक्ष श्रेष्ठ

१४ असोज,काठमाडौं । नेकपा एमालेका पोलिटब्युरो सदस्य एवं नेपाल ट्रेडयुनियन महासंघ (GEFONT) का अध्यक्ष विनोद

स्वतन्त्र उमेदवारीको तयारीमा समाजसेवी श्रीभक्त कासिछवा

१३ असोज,भक्तपुर। समाजसेवी तथा उद्योगवाणिज्य संघ चांगुनारायणका अध्यक्ष श्रीभक्त कासिछवाले  स्वतन्त्र उमेदवारी दिने तयारी गरिरहेको

अमेरिकी सहायक विदेशमन्त्री ट्रुडो काठमाडौँ आईपुगिन

काठमाडौँ, १२ असोज । अमेरिकी विदेश मन्त्रालयको विश्वव्यापी सार्वजनिक मामिला हेर्ने कार्यवाहक सहायक विदेशमन्त्री एलिजावेथ ट्रुडो

मध्यपुर थिमी वडा नं ४ को कार्यालय उद्धाटन तथा शुभकामना आदानप्रदान कार्यक्रम सम्पन्न

११ असोज,भक्तपुर । नेकपा (एमाले) मध्यपुर थिमी वडा नं ४ को कार्यालय उद्धाटन तथा बडा

तरुण विभागका केन्द्रीय सदस्य सहित दर्जनौं युवाहरू एमाले प्रवेश

१० असोज ,भक्तपुर । नेपाली काङ्ग्रेसको तरुण विभागको केन्द्रीय सदस्य अरुण सापकोटा र नेकपा एकीकृत