अब चुनाव कुनै हालतमा सर्दैनः यादव

ayodhi-prasad-yagav२९ जेठ, काठमाडौं । प्रमुख निर्वाचन आयुक्त अयोधिप्रसाद यादवले अब निर्वाचनको मिति कुनै हालतमा नसर्ने बताएका छन् ।

विराटनगरमा आज पत्रकारहरुसँग कुरा गर्दै यादवले २ नम्बर प्रदेशमा तेस्रो चरणमा निर्वाचन हुनसक्ने विषय उपप्रधान तथा स्थानीय विकासमन्त्री विजयकुमार गच्छदारको भनाई आफूलाई थाहा नभएको बताए । गच्छदारले हिजो बिराटनगरमै २ नम्बर प्रदेशको मात्र चुनाव सार्न सकिने बताएका थिए ।

‘अब तेस्रो चरण भन्ने कुरा कुनै हालतमा हुँदैन,’ यादवले भने, ‘मिति सार्ने कुरा कसैगरी संभव छैन ।’ मनलाग्दी निर्वाचनको मिति सारे लोकतान्त्रिक प्रणालीलाई असर गर्ने यादवको भनाई थियो ।

मधेशमा आम हड्तालबारे आफूले पनि संचारमाध्यमबाट थाहा पाएको भन्दै यादवले २०७० सालको संविधान सभा निर्वाचन पनि हड्तालकै बीच सफल भएको भन्दै यो चुनाव पनि सफल हुने जिकिर गरे ।

 

photo

NOC1-250x300