साउदी अरेबियाका राजकुमार सहित दर्जनौ पूर्वमन्त्री भ्रष्टाचार आरोपमा पक्राउ

१९ कात्तिक, रियाद : साउदी अरवमा भ्रष्टाचारको आरोपमा राजकुमार सहित दर्जनौ पूर्वमन्त्री हिरासतमा परेका छन् । हिरासतमा पुग्नेमा एघार राजकुमार चार मन्त्री र दर्जनौ पूर्वमन्त्रीहरु रहेका छन् । भ्रष्टाचारसँग सवन्धित विषय अध्ययन गर्न हालै गठन भएको नयाँ कमिटिले भ्रष्टाचारको आरोपमा उनीहरुलाई हिरासतमा लिएको हो ।

हिरासतमा लिइएका मानिसहरुको नाम र उनीहरुको भ्रष्टाचार आरोप भने खुलाईएको छैन । उक्त समितिले साउदी राष्ट्रिय सुरक्षा र नौ सेना प्रमुखलाई पनि बर्खास्त गरेको छ । औपचारिक रुपमा उनीहरुलाई हटाउनुको कारण खुलाईएको छैन ।

साउदी अरवको सरकारी समाचार एजेन्सी एसपीएका अनुसार भ्रष्टाचार बारे छानविन गर्न गठित कमिटीलाई पक्राउ पुर्जी जारी गर्ने र यात्रामा प्रतिबन्ध लगाउन सक्ने अधिकार समेत दिइएको छ ।

उक्त समितिले सन दुई हजार नौ मा आएको बाढी र सन दुई हजार बा-हको मर्स भाइरस संक्रमणको घटनाको पनि नयाँ तरिकाले छानविन शुरु गरेको साउदीको समाचार संस्था अल अरेवियाले उल्लेख गरेको छ ।