रुसमा जारी फिफा विश्वकप फुटबलमा आज (बिहिबार) तीन खेल हुँदैछ । विश्वकपमा आज समूह ‘सी’ को दुई खेल र समूह ‘डी’ को एक खेल हुँदैछ ।
विश्वकप अन्तर्गत आज हुने पहिलो खेलमा समूह ‘सी’ बाट डेनमार्क र अष्ट्रेलियाले प्रतिस्पर्धा गर्दैछ । डेनमार्क र अष्ट्रेलियाबीचको खेल नेपाली समय अनुसार साँझ ५ : ४५ मा सामरा एरिनामा हुनेछ ।
अष्ट्रेलियाविरुद्ध मैदान उत्रदा डेनमार्क दोस्रो जितको खोजीमा हुनेछ । पहिलो खेलमा पेरुलाई हराएको डेनमार्क अष्ट्रेलियालाई हराउदै नकआउट चरणमा पुग्न चाहन्छ । अष्ट्रेलिया भने पहिलो जितको खोजीमा हुनेछ । फ्रान्ससँग पहिलो खेलमा पराजित अष्ट्रेलियालाई दोस्रो चरणको बाटो खुल्ला गर्म आजको खेल जित्नु पर्ने दबाब छ ।
यस्तै यो समूहको दोस्रो खेलमा फ्रान्स र पेरुबीच खेल हुनेछ । उक्त खेल नेपाली समय अनुसार राति ८ : ४५ मा एकटेरियान स्टेडियममा हुनेछ ।
बलियो फ्रान्स आजको खेल जित्दै अन्तिम १६ मा पुग्न चाहन्छ । पहिलो खेलमा अष्ट्रेलियालाई हराएको फ्रान्स दोस्रो जितको खोजीमा रहने छ । पेरु भने पहिलो जितको खोजीमा रहने छ ।
रुस विश्वकपमा आजबाट समूह ‘डी’ को एक खेल हुँदैछ । आज राति हुने खेलमा अर्जेन्टिना र क्रोएसियाले खेल्दैछ । अर्जेन्टिना र क्रोएसियाबीचको खेल नेपाली समय अनुसार राति ११ : ४५ मा नोभगोरोड स्टेडियममा सुरु हुनेछ ।
क्रोएसियाविरुद्ध मैदान उत्रदा अर्जेन्टिना पहिलो जितको खोजीमा हुनेछ । अर्जेन्टिना पहिलो खेलमा आइसल्याण्डसँग १ – १ गोलको बराबरीमा रोकिएको थियो । दोस्रो चरणमा पुग्ने सम्भावना कायम राख्न अर्जेन्टिनालाई जित्नैपने दबाब छ ।
क्रोएसिया भने दोस्रो जितको लागि मैदान उत्रने छन् । पहिलो खेलमा नाइजेरियालाई हराएको क्रोएसिया आजको खेल जित्दै अन्तिम १६ मा पुग्न चाहन्छ ।
विश्वकप खेल तालिका नेपाली समयमा :-
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ७, काठमाडौँ । निर्वाचन आयोगले उपनिर्वाचन हुने दिन निर्वाचन क्षेत्रभित्रको यातायात व्यवस्थालाई नियमित र
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक
चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा
