नेपाली काँग्रेसका बरिष्ठ नेता रामचन्द्र पौडेलले वर्तमान दुई तिहाईको सरकार बाँदरको हातमा नरिवल भन्दै व्यङग्य हानेका छन् ।
नेपाली काँग्रेसले देशैभर गरेको एक दिने विरोध प्रदर्शनलाई तनहुँमा सम्बोधन गर्दै नेता पौडेलले यस्तो कुरा बताएका हुन् । ‘आज दुई तिहाई बहुमतको सरकार छ । यो सरकार अधिनायकवादतर्फ अगाडि बढिरहेको छ ।अधिनायकवादको प्रमाणा देउ भन्यो, आज सर्वाेच्च अदालतमाथि कुन हवला गरिंदैछ । आज पार्टीको पोलिटब्यूरो र नेतालाई सोधेर दुई तिहाई बाँदरको हातमा नरिवल बनेको छ,’ नेता पौडेलले भने, ‘दुई कम्युनिष्ट मिलेर नेपाली जनताको विरुद्ध लागेका छन् । जताततै महंगी, जथाभावी कर लगाउने, भ्रष्टाचार बढाउने काम भईरहेको छ । वाइडबढी जहाज किन्दा अरबौंको भ्रष्टाचार भएको छ । जताततै भ्रष्टाचार बढिरहेको छ ।’ भ्रष्टाचार सहन्न भन्ने प्रधानमन्त्री केपी ओली भ्रष्टाचारीको आसपासमा घुमिरहेको उनको आरोप थियो ।
नेता पौडेलले वर्तमान सरकार लोकतन्त्र विरोधी बन्दै गएका कारण देशैभर विरोधसभामार्फत सतर्क गराएको भन्दै यस्तै रवैया कायम रहे खैराँत नरहने चेतावनी दिए ।
उनले भने, ‘अधिनायकवादीहरु यस्तै विश्वास गर्दै जान्छन् कुनैपनि दुस्साहसीको खैराँत रहनेछैन । ७० वर्ष लडेर हामीले विकासको समृद्धिको ढोका खोलेका छौं । त्यो संसदमा ल्याएको दुई तिहाई मत हाम्रो संघर्षले स्थापीत भएपनि आज लोतन्त्रलाई खतरातर्फ लगिंदैछ । विश्वभरी नेपाली जहाँ जहाँ पुगेका छन् नेपालमा लोकतन्त्रको रक्षाको लागि नेपालको उन्नती र प्रगतीको लागि विश्वभरी नै प्रदर्शनी भईरहेको छ । हामी खबरदारी गरिराख्छौं । ’
उनले काँग्रेसले बनाएको भवन उद्घाटन गर्न केपी ओली कुन दिन ढल्किदैं आउँछन् भन्दै व्यङ्ग्य हानेका थिए । ‘कृष्णप्रसाद भट्टराईले शुरु गरेको मेलम्चीमा आज ओलीहरु नै फोटो खिच्न पुगेका छन् ।’ उनले भने, ‘अदालतको सातो उडाएका छन्, अख्तियारको सातो उडाएका छन् । आज यीनीहरु निरकुंशतातिर लागेका छन् । उनीहरुलाई ढाल्ने अब जनताबाहेक अरु कोहि छैन । कम्युनिष्ट पार्टीका कार्याकर्तालाई सबै छुट पाउने अवस्था बनाईदैछ ।’
उनले आफ्ना कार्यकर्ताको भरणपोषण गराएर इतिहासको नयाँ शोषणकारी साम्यवाद ल्याउन वर्तमान सरकार उदृत रहेको आरोप पनि लगाए ।
‘अब कम्युनिष्टको रातो झण्डा ओडेपछि अपराधी पनि जेल जान पर्दैन , बलत्कारी नि छुट्छ, लुटिएका सम्पत्ति सबै आफ्नो बनाउने प्रपञ्च भईरहेको छ ।’ उनले भने ।
सभामुख र उपसभामुख एउटै पार्टीका हुन नहुने उनकाे भनाइ थियाे ।
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक
फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक