१८ वटा मन्त्रालय निश्चित गरिसकेकाे सरकारले केही मन्त्रालय थप गर्ने तयारी गरेकाे छ।
बिहिबारकाे मन्त्रिपरषद् बैठकमा मन्त्रालय संख्या थप र मन्त्रिपरिषद पुनः गठनबारे छलफल भएको हाे।
प्रधानमन्त्री निवास बालुवाटारमा साँझ बसेको बैठकले सो विषयमा प्रारम्भिक छलफल गरेको महिला, बालबालिका तथा समाज कल्याण मन्त्री थममाया थापाले जानकारी दिइन्।
विगतमा रहेका ३१ मन्त्रालय घटाई वर्तमान सरकारले कार्यसम्पादन नियमावली संशोधन गरी प्रधानमन्त्री तथा मन्त्रिपरिषद्को कार्यालयसहित १८ मन्त्रालय कायम गरेकाे थियाे।
सरकारमा संघीय समाजवादी फोरम नेपालको सहभागिता हुने भएकाले केही मन्त्रालय थप्ने गृहकार्य भएको हो। संविधानअनुसार संघीय सरकारका २५ सदस्यसम्म मन्त्री रहन सक्नेछन्।