काठमाडौं, भदौ ३ : प्रधानमन्त्री केपी शर्मा ओलीले मंगलबारका लागि सर्वदलीय बैठक आह्वान गरेका छन्। ओलीले प्रधानमन्त्रीमा निर्वाचित भएको १७ महिनापछि प्रतिनिधिसभामा प्रतिनिधित्व गर्ने दलहरुको बैठक पहिलोपटक आह्वान गरेका हुन्।
‘संसदमा प्रतिनिधित्व गर्ने दलका प्रतिनिधिहरुलाई साँझ पाँचबजे छलफलका लागि बालुवाटार बोलाइएको छ।’
प्रधानमन्त्रीले संक्रमणकालीन न्याय निरुपण सम्बन्धि अल्झिएको विषयका गाँठो फुकाउनका लागि सबै दलका प्रतिनिधिहरुको कुरा सुन्न चाहेको उनको नीजि सचिवालयले जनाएको छ।
सत्य निरुपण तथा मेलमिलाप र वेपत्ता पारिएका व्यक्तिहरूको छानविनसम्बन्धी आयोग गत फागुनदेखि पदाधिकारीबिहीन छन्।
आयोगमा पदाधिकारी सिफारिससम्बन्धी समिति बनाएर आवेदन आह्वान गरिएता पनि कुन आयोगको नेतृत्व कुन दल निकटका व्यक्तिलाई दिने भन्ने विषयमा नेकपा र प्रमुख प्रतिपक्षी नेपाली कांग्रेसबीच सहमति जुट्न नसकेपछि आयोगहरुमा पदाधिकारी नियुक्तिको काम अल्झिएको हो।
प्रधानमन्त्री ओलीले संक्रमणकालीन न्याय निरुपण आफूहरुको प्राथमिकतामा रहेको बताउँदै आयोगले यही साताभित्र पूर्णता पाउने जानकारी दिएका थिए।
आइतबार प्रतिनिधिसभा बैठकलाई सम्बोधन गर्दै ओलीले यी आयोगहरुले यही साताभित्र पूर्णता पाउने बताएका थिए।
‘उहाँ स्वास्थ्य परीक्षणका लागि सिंगापुर जानुअघि संक्रमणकालीन न्याय निरुपणको गति अघि बढोस भने पदाधिकारी नियुक्त र संक्रमणकालीन न्यायसम्बन्धी ऐन संसोधनको काम सहमतिमै अघि बढोस् भन्ने चाहनुहुन्छ। त्यसैको फलस्वरुप दलहरुको कुरा सुन्न मंगलबार सर्वदलीय बैठकको आह्वान गर्नुभएको हो’, प्रधानमन्त्रीको नीजि सचिवालयका एक सदस्यले भने।
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक
चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा
खिमलाल देवकोटा २५ चैत २०८०, आइतबार नेपालको संविधानको धारा ११९ को उपधारा ३ बमोजिम नेपाल
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने