विराटनगर, १३ भदौ – नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्डले नेपाल सरकारले विराटनगरमा रहेको भारतीय दुताबास हटाउन निर्देशन दिँदा पनि नहट्नु दुर्भाग्य भएको बताए ।
विराटनगरमा सोमबार आयोजना गरिएको पत्रकार सम्मेलनमा प्रचण्डले यस्तो बताए । उनले आफ्नै पार्टीका नेता नारायणकाजी श्रेष्ठ परराष्ट्रमन्त्री हुँदा सरकारले गरेको निर्णय कार्यान्वयन नहुनु दुर्भाग्य भएको बताए । उनले भने, ‘दुतावास हटाउने निर्देशन हुँदा हुँदै पनि नहट्नु दुर्भाग्य हो ।’ प्रधानमन्त्री देउवाले भारतमा दिएको अभिव्यक्तिप्रति पनि प्रचण्डले असन्तुष्टि व्यक्त गरे । संविधान संशोधनको प्रक्रिया एक चरणको सकिएकोले पुनः संशोधनकै विषयलाई लिएर भारतमा अभिव्यक्ति दिनु उपर्युक्त नभएको उनले बताए ।
‘संविधान संशोध प्रक्रिया अहिलेलाई टुंगिएको छ,’ प्रचण्डले भने, ‘संविधान गतिशिल दस्तावेज हो, तर भारतमै गएर देउवाजीले त्यसरी बोल्नु आवश्यक थिएन ।’ प्रम देउवाले भारतसँग कोशी उच्च बाँध निर्माणमा सहमति गरेको नभइ संयुक्त वक्तव्यमा कोशी सम्झौताबारे उल्लेख भएको बारे छलफल गरिने प्रचण्डले बताए ।
‘कोशी उच्च बाँध निर्माण गर्नेबारे माओवादीको धारणा पुरानै हो, यो सम्झौताको पुनरावलोकन हुनुपर्छ,’ प्रचण्डले भने, ‘देउवाजीले सहमति गरेको नभइ संयुक्त वक्तव्यमा उल्लेख भएको मैले जानकारी पाएको छु, तत्कालै उहाँसँग छलफल हुन्छ ।’
आउँदो २ नम्बर प्रदेशको निर्वाचनमा संघीय लोकतान्त्रिक पक्षधरहरूसँग गठबन्धन गरेर अघि बढ्ने प्रचण्डले जानकारी दिए ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने