नयाँ शोलाई लिएर मिडियाबाट भड्के कपील शर्मा

केही दिन अघि कमेडी किङ कपील शर्माले नयाँ शो लिएर टिभीमा कमब्याक गर्ने खबर आएको थियो । ती खबरहरुमा उनी शोको तयारीमा जोडदार लागेको र तौल घटाउन शुरु पनि गरेको बताइएको थियो । खबर दिने मिडियाहरुले त्यसमा कपीलको नाम उदृत गर्दै लेखेका थिए ।

तर भर्खरै कपीलको आफ्नै नयाँ बयान सार्वजनिक भएको छ । यो पछिल्लो बयानमा कपीलले मिडियामाथि भ्रामक समाचार फैलाएको आरोप लगाउँदै आक्रोश पोखेका छन् । बलिउड हंगामाको खबर अनुसार कपीलले कुनै मिडिया वा न्युज पोर्टलसँग आफूले आफ्नो नयाँ प्रोजेक्टको बारेमा कुरा नगरेको बताएका छन् ।

कपीलले भने, ‘उनीहरु आफ्नै इच्छाले मनलागी लेख्दैछन् । म मिडियासँग आग्रह गर्छु तपाईहरुको विचार ममाथि नथोपर्नुहोस् ।’

कपीलको पछिल्लो बयानले उनी न त आफ्नो पुरानो टिम न कृष्ण अभिषेकसँग नयाँ शोमा आउँदैछन् भन्ने कुरा स्पष्ट पारेको छ ।

उनी अघि कमेडी कलाकार भारती सिंहले पनि कपील शर्मासँग आफू र कृष्ण काम गर्ने भनि मिडियाले फैलाएको समाचार भ्रामक भएको बताएकी थिइन् ।