टोकियो , माघ ९ : सन् २०२० को ओलम्पिक्समा सहभागी हुन टोकियो विमानस्थल अवतरण गर्ने खेलाडी तथा अधिकारीहरूले प्रविधिकै नवीन र फरक अनुभव चाख्न पाउनेछन्।
जापानले ओलम्पिक्स पाहुनालाई विमानस्थलबाट बाहिर निस्किँदा चालकबिहीन बसबाट सेवा प्रदान गर्ने तयारी गरिरहेको हो।
टोकियोको हानिदा अन्तर्राष्ट्रिय विमानस्थलसहित मुख्य हबहरुमा यतिबेला यात्रु राखेरै एशियाकै अग्रणी यो देशले चालकबिहीन बहसहरुको सघन परीक्षण गरिरहेको छ।
जापानी राष्ट्रिय ध्वजाबाहक अल निप्पोन एयरवेज (एनएनए)सहित ६ वटा कम्पनीहरुले १० दिनसम्म सञ्चालन हुने परीक्षण गत हप्ता आरम्भ गरेका हुन्। परीक्षण भएका बसहरुमा मान्छे राखेरै सञ्चालन गर्न थालिएको छ।
सुरुमा चालक सिटमा चालक राखिएको थियो। यद्यपि ती चालकले बस सञ्चालन गर्दैनथे। दुर्घटना हुने सम्भावित अवस्थालाई ध्यानमा राख्दै उनीहरुलाई राखिएको थियो। सफल परीक्षणपछि चालकबिनै बस सञ्चालन सुरु गरिएको हो। यद्यपि यो परीक्षणकै एउटा पाटो हो।
सन् २०२० को ओलम्पिक्स टोकियोले आयोजना गर्दैछ। सन् २०२० को जुलाइ २४ देखि अगस्ट ९ सम्म सञ्चालन हुने सो विश्वस्तरीय प्रतियोगितामा जापानले यी चालकरहित बस सञ्चालन गर्ने अपेक्षा गरेको छ।
‘टोकियो ओलम्पिक्समा आउने पाहुनाहरुलाई यी चालकरहित बसबाट सेवा प्रदान गर्ने हाम्रो लक्ष्य हो’, एनएनएका परियोजना प्रमुख तादाकात्सु यमागुची भन्छन्, ‘अहिलेसम्मको चालकबिहीन बस सेवा परीक्षण सफल देखिएको छ।’
चालकबिहीन बसलाई जापानले ओलम्पिक्स पाहुनाका लागि मुख्य आकर्षण बनाउन चाहेको छ। पर्यटकलाई यी बसले आकर्षण गर्ने विश्वास लिइएको छ।
जिपीएस सिस्टम जडान भएका यी बसहरु प्रतिघन्टा ३० किलोमिटरको गतिमा गुड्नेछन्।
जापानको जनसंख्या घट्दो क्रममा छ। ‘घट्दो जनसंख्याले हामीलाई जनशक्तिको अभाव बढाउँदै लगेको छ। त्यसैले चालकरहित प्रविधिसहितको सवारी अवधारणामा जानु परेको परेको हो’, यामागुची भन्छन्, ‘हामी थोरै स्टाफ राखेरै यस्ता सवारी साधनको प्रभावकारी सञ्चालनको सुनिश्चितता दिन सक्छौं।’
भिडियाे
असार १६ गते । सभामुख देवराज घिमिरेले सञ्चार क्षेत्रलाई कुण्ठित गर्नु नहुने बताउनुभएको छ । शनिबार
जेठ १६, काठमाण्डौ । नेपालका अधिकांश स्थानहरुमा आप्mनो व्यवसाय विस्तार गर्न सफल रहेको इन्टरनेट सेवा
१७ बैशाख,काठमाडौं।अग्रणी मोबाइल गेम, PUBG MOBILE एवं नेपालको उत्कृष्ट ISP, WorldLink बीच एक सम्झौता गरिएको
७ वैशाख,काठमाडौं। नेपाल टेलिकमले नेपाल विद्युत प्राधिकरणको स्मार्ट मिटरमा प्रयोग गर्नका लागि १ लाख ५०
६ वैशाख,काठमाडौं । देशकै सबैभन्दा ठूलो इन्टरनेट सेवा प्रदायक कम्पनी वर्ल्डलिंक कम्युनिकेशन्स लिमिटेडले नेपालमा क्रिकेटका
२१ चैत,काठमाडौं । नेपाल टेलिकम, प्रादेशिक निर्देशनालय वीरगञ्ज, मधेश प्रदेशको कार्यालय परिसरभित्र अनधिकृत व्यक्तिहरुको समूहले