१२ चैत, काठमाडौं । विश्वकप २०१८ को युरोपेली छनौट अन्तर्गत रिपव्लिक अफ आयरल्याण्डले युरोकप सेमिफाइनलिष्ट वेल्सलाई बराबरीमा रोक्दा उसले ठूलो नोक्सानी व्यहोर्नुपर्यो ।
अभिभा रंगशालामा खेलको ६९औं मिनेटमा आयरल्याण्डका कप्तान तथा एभर्टनका डिफेण्डर २८ बर्षीय सिमस केलम्यान वेल्सका निल टेलरको भयानक ट्याकलमा परे र उनको खुट्टा भाँच्चियो । लगत्तै रेफ्रीले उनलाई रेड कार्ड दिएका थिए ।
आयरल्याण्डका प्रशिक्षक मार्टिन ओ’निलले आफ्ना डिफेण्डरको खुट्टा खराव तरिकाले भाँच्चिएको जानकारी दिए ।
‘वास्तवमै यो उनका लागि निक्कै ठूलो झड्का हो । उनी आफ्नो खेलजीवनको उत्कृष्ट समयमा थिए तथा हाम्रा लागि उनी निक्कै ठूला खेलाडी थिए र एक महान कप्तान थिए ।’ प्रशिक्षक ओ’निलले भने ।
उता एभर्टनका लागि पनि ठूलो नोक्सानी हो । तर उनी अवश्य र्फकनेछन्, हामी सधैं आशाबादी हुनुपर्छ ।
वेल्सका म्यानेजर क्रिस कोलम्यानले भनेका छन् कि आफ्ना डिफेण्डर टेलर, जसको ट्याकलमा कोलम्यानको खुट्टा भाँच्चिएको थियो, त्यस घटनापछि उनी निक्कै निराश देखिन्छन् ।
‘सबैभन्दा पहिला, सबैभन्दा महत्वपूर्ण कुरा भनेको सिमस कोलम्यान हो’, उनले भने, ‘हामीलाई भनिएअनुसार उनको अवस्था क्रिटिकल छ र त्यसप्रति हामी क्षमायाचना गछौं ।’
‘मेरो खेलाडी टेलर वास्तवमै त्यस्तो खालको खेलाडी होइन, तर सिमसका लागि यो निक्कै दुःखदायी क्षण हो, हामी उनको साथमा छौं र यस्तो दुर्घटना फेरी देख्न नपरोस भनेर कामना गर्छु ।’ वेल्स प्रशिक्षकले भने ।
एभर्टन मिडफिल्डर जेम्स म्याकर्थीले पनि आयरल्याण्डको तर्फबाट खेल्ने निश्चित थियो, तर खेलको केहि समयअघि मात्रै हृयामस्टि्रङ इन्ज्यूरीका कारण टिममा समावेश भएनन् ।
बराबरीपछि पनि युरोपेली छनौटको समूह डी मा आयरल्याण्ड शीर्ष स्थानमा यथावत छ । वेल्स दोस्रो स्थानमा चार अंकले पछाडि छ ।
आगामी जुन ११ मा वेल्सले सर्वियासँग प्रतिस्पर्धा गर्दा टेलरसँगै रियल मडि्रडका सुपरस्टार ग्यारेथ बेल पनि हुने छैनन् । लगातार दुई खेलमा पहेँलो कार्ड पाएपछि उनी एक खेलको प्रतिबन्धमा परेका छन् ।
आयरल्याण्डले जुन ११ मै अष्ट्रियासँग खेल्नेछ ।
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
