माघ २९ , काठमाडौं : प्रहरी प्रधान कार्यालयले ‘एक प्रहरी चौकी एक मोटरसाइकल’को अवधारणा अघि सारेको छ । साधन स्रोतको अभावमा प्रहरी गतिविधि गर्न असहज भएपछि प्रहरी प्रधान कार्यालयले एक प्रहरी चौकी एक मोटरसाइकलको अवधारणा अघि सारेको हो ।
विगतको तुलनामा सडक सञ्जाल विस्तार भएको र अधिकांश स्थानमा मोटरसाइकल गुड्नसक्ने अवस्था भएकाले आवश्यक तयारी भइरहेको प्रहरी प्रवक्ता एसएसपी उत्तमकुमार सुवेदीले बताए । प्रहरी प्रधान कार्यालयका अनुसार एक प्रहरी चौकी एक मोटरसाइकलको अवधारणा अनुसार ३४० वटा मोटरसाइकलका लागि विनियोजन भएको बजेट अनुसार खरिद कार्यको बोलपत्र मूल्यांकनको चरणमा रहेको छ ।
एसएपी सुवेदीले भने, ‘‘कम्तीमा एक मोटरसाइकल अनिवार्य भन्ने हो । बढी पनि हुनसक्छन् । अपराधीहरुले पनि अपराधको तरिका परिवर्तन गरेको, कतिपय अवस्थामा तत्काल प्रहरी पुग्नुपर्ने अवस्थाका लागि मोटरसाइकलको अवधारणा अघि सारेका हौं ।’’ पछिल्लो एक वर्षमा १८ वटा चार पाङ्ग्रे सवारीसाधन र १००० वटा मोटरसाइकल खरिद गरी प्रहरी कार्यालयहरुमा वितरण गरेको एसएसपी सुवेदीले बताए ।
प्रहरी प्रधान कार्यालयका अनुसार प्रहरी कारबाही मानव अधिकार मैत्री बनाउन पाँच वटा ‘वाटर क्यानन’ खरिद गरिएको छ भने थप दुईवटा किन्ने प्रक्रिया सुरु भएको छ । यस्तै ३० थान सवारी कारकेड मोटरसाइकल खरिदको बोलपत्र मूल्यांकन सम्पन्न गरी खरिद सम्झौता गर्ने तयारी भइरहेको एसएसपी सुवेदीले बताए ।
बेरुजु फर्छ्योटमा प्रहरी अगाडि
अन्य सरकारी कार्यालयको तुलनामा प्रहरी प्रधान कार्यालय बेरुजु फर्छ्योटमा अगाडि रहेको प्रहरी प्रधान कार्यालयको दाबी छ । गत आर्थिक वर्षमा नेपाल प्रहरीको नाममा कायम रहेको कुल बेरुजु ६८ करोड ४१ लाख ७० हजारमध्ये ५८ करोड २५ लाख १८ हजार ४०५ (८५.१४५) फर्छ्र्योट गरिएको प्रहरी प्रधान कार्यालयको तथ्याङ्कमा उल्लेख छ ।
बेरुजु फर्छ्योटलगायतका कार्यले प्रहरी पारदर्शी बन्दै गएको दाबी आईजीपी सर्वेन्द्र खनालले गर्दै आएका छन् । प्रहरी प्रधान कार्यालयका अनुसार चालू आर्थिक वर्षको फागुन मसान्तसम्ममा ६० प्रतिशत बेरुजु फर्छ्र्योट गर्ने लक्ष्य लिइएको र हालसम्म ५०.६१ प्रतिशत फर्छ्र्योट भएको छ ।
प्रहरी प्रधान कार्यालयको विगतका आर्थिक वर्षहरूका बेरुजु रकम ६ करोड ९१ लाख १६ हजार १५५ रुपैयाँ महालेखा परीक्षकको कार्यालयमा सम्परीक्षणको लागि पेश गरिएको बताएको छ । १२ वटा हेभी, ९६ वटा लाइट र १६७ वटा मोटरसाइकल लिलाम गरी ४३ वटा गाडी खरिदका लागि १५ करोड ३० लाख बराबरको स्रोत निश्चित गरेर बोलपत्र आव्हान गरिएको प्रहरी प्रधान कार्यालयले जनाएको छ । चालू आर्थिक वर्षमा नयाँ दरबन्दीसहितको प्रहरी कार्यालयका लागि ६३ करोड ४७ लाख थप बजेट निकासा भएको प्रहरी प्रधान कार्यालयले जनाएको छ ।
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
