७५ फिट अग्लो मूर्तिका लागि एक रुपैयाँ संकलन अभियान

तुलसीपुर, ३० पुस : महाकालीमा ७५ फिट अग्लो नेपाल आमाको मुर्ति निर्माण गर्ने लक्ष्य लिएर एक रुपैयाँ संकलन गर्दै जगत गुरु दाङ पुगेका छन् । बिगत तीन दिन देखी उनी दाङमा एक रुपैयाँ संकलन गर्ने अभियानमै छन् । उनी अझै केही दिन दाङमै रहने तुलसीपुरमा पत्रकार सम्मेलन गरी जानकारी गराईएको छ । २०७२ बैसाख ५ गतेबाट पश्चिम महाकाली देखी पूर्व मेची सम्मको पैदल यात्रा शुरु गरेका गुरु बालसन्त मोहनशरण देवाचार्य ( जगत गुरु) संग रिपोर्टस् क्लब दाङले आईतबार तुलसीपुरमा पत्रकार सम्मेलन गरेको थियो ।guru-768x576रिपोर्टस् क्लब दाङका अध्यक्ष शरद रेग्मीको अध्यक्षतामा भएको पत्रकार सम्मेलनमा जगत गुरुले माघको अन्तिम सम्म देशभर पैदल यात्रा गरि सक्ने बताए । सबै देशबासीबाट संकलन भएको उक्त रकमले नेपाली आमाको ७५ फिट अग्लो मुर्ती निर्माण गर्ने वताए । शान्ति, एकता र हिन्दु धर्मको रक्षा अभियान लिएर मेची–महाकाली पैदल यात्रामा निस्केका बसन्त गुरुले यात्राका क्रममा घरदौलो र प्रवचन मार्फत दाङका शक्तिपीठ तथा मन्दिरबाट निर्माणाधिन अष्ठधातु जडित नेपालराष्ट्रको ७५ फिट अग्लो मूर्तिका लागि भिक्षादान संकलन गरिरहेका छन् ।

शान्ति, एकता र हिन्दुत्व रक्षाको प्रतिकस्वरुप सुन, चाँदी, तामा, फलाम, पित्तल लगायत अष्ठधातुको बिशाल मुर्ति निर्माण गर्न लागिएको देवाचार्यको भनाई छ । मूर्ति निर्माणका लागि २५ करोड रुपैयाँ खर्च लाग्ने उनले बताए । साथै मुलुक खण्ड–खण्ड हुन लागेको भन्दै नेपाललाई एक बनाउनका लागि मुर्ति निर्माण गर्न लागिएको उनको भनाई छ ।

सबै नेपालीले एक एक रुपैयाँ उठाए मात्रै तीन करोड भन्दा बढी रकम संकलन हुने र नेपाली आमाको मुर्तिमा सबै नेपालीले आफ्नो लगानी भएको अनुभुती हुने भएकाले सबै नेपालीबाट एक एक रुपैयाँ संकलन गर्न लागिएको उनले वताए ।

NOC1ads