हावाहुरीका कारण भारतमा ३९ जनाको मृत्यु

भारतमा हावाहुरीका कारण ३९ जनाको मृत्यु भएको छ । आइतबार बेलुकी आएको हावाहुरीले सबैभन्दा बढी उत्तर प्रदेशमा १६ जनाको मृत्यु भएको छ । 

आन्ध्र प्रदेशमा १२, पश्चिम बंगालमा नौ र राजधानी दिल्लीमा दुई जनाको मृत्यु भएको बीबीसीले जनाएको छ । दिल्ली र आसपासका क्षेत्रमा १०९ किलोमिटर प्रतिघण्टाको गतिमा हुरी चलेको बताइएको छ । 

भारतीय प्रधानमन्त्री नरेन्द्र मोदीले हावाहुरीका कारण भएको धनजनको क्षतिप्रति दुःख व्यक्त गर्दै ट्विटरमा लेखेका छन्, “देशका केही भूभागमा हावाहुरीका कारण भएको धनजनको क्षतिप्रति दुःखी छु । प्रभावित परिवारप्रति संवेदना । म घाइते नागरिकको शीघ्र स्वास्थ्य लाभको कामना गर्दछु । अधिकारीहरुसँग प्रभावित नागरिकलाई हर सम्भव सहयोग गर्न निर्देशन दिइसकिएको छ ।’’

NOC1-250x300