साफ यु–१५ महिला च्याम्पियनसिपको खेल तालिका सार्वजनिक

साफ यु–१५ महिला च्याम्पियनसिप फुटबलको खेल तालिका सार्वजनिक भएको छ । दक्षिण एसियाली खेलकुद महासंघले बुधबार खेल तालिका सार्वजनिक गरेको हो ।

29988773saff

बंगलादेशको कमलपुरस्थित विरश्रेष्ठ सहिद सिपाही मोहम्मद मोस्तोफा कमल स्टेडियममा डिसेम्बर १७ देखि २४ तारिखसम्म च्याम्पियनसिप हुदैछ । च्याम्पियनसिपमा आयोजक बंगलादेशसँगै नेपाल, भारत र भुटान रहेका छन् ।

नेपालले आफ्नो पहिलो प्रतिद्धन्दी आयोजक बंगलादेश पाएको छ । नेपालले १७ तारिखमा बंगलादेशसँग प्रतिस्पर्धा गर्नेछ ।

दोस्रो खेलमा नेपालले १९ डिसेम्बरमा भारतको सामना गर्नेछ भने आफ्नो अन्तिम खेल २१ तारिखमा भुटानसँग प्रतिस्पर्धा गर्नेछ । च्याम्पियनसिपको शीर्ष दुईमा पर्ने टिमले फाइनल खेल्नेछ । फाइनल खेल २४ डिसेम्बरमा हुनेछ ।

ads