साउनमा पार्टी एकता सकाएर भदौदेखि देशव्यापी अभियानमा जान्छौं : प्रचण्ड

नेकपा अध्यक्ष पुष्पकमल दाहाल ‘प्रचण्ड’ले साउन महिना भित्रमा पार्टी एकताका काम सम्पन्न गरेर भदौ महिनादेखि देशव्यापी अभियानमा जाने तयारी भएको बताएका छन् । 

कम्युनिस्ट संस्थापक नरबहादुर कर्मचार्यको छैटौं स्मृतिको अवसरमा नेकपा पार्टी केन्द्रीय कार्यालय धुम्बाराहीमा आयोजित कार्यक्रममा अध्यक्ष प्रचण्डले साउन महिनामा स्थायी समिति र केन्द्रीय समितिको बैठक सकाएर भदौदेखि अभियानमा लाग्ने बताएका हुन् । 

‘पार्टी एकताको माथिदेखि तलसम्मको कार्यक्रमलाई अन्तिम चरणमा पुर्‍याएका छौं, यसै महिनाभित्र स्थायी समिति र केन्द्रीय समितिको बैठक सकाएर भदौबाट पार्टीका नीतिबारे जानकारी गराउन र सरकारका कामलाई अझ प्रभावकारी बनाउने प्रयास बढेको छ,’ प्रचण्डले भने । 

नेपालको कम्युनिष्ट आन्दोलन विशिष्ट मोडमा रहेको भन्दै उनले जनताले दिएको अवसरको सदुपयोग बुद्धिमता र विवेकसम्मत गर्न जरुरी रहेको बताए । 

‘पार्टी एकता र जनविश्वासको उत्कर्ष यही मात्र नहोस् भन्ने, विश्वलाई समाजमावदको नयाँ मोडल दिने अवसर हामीसँग छ,’ प्रचण्डले भने, ‘पार्टी एकतालाई सरकारको कामलाई प्रभावकारी बनाएर मात्र हामी समाजवादको बाटोमा लाग्न सक्छौं ।’

 

photo

NOC1-250x300