सांगीतिक कार्यक्रमका लागि गायक सागर आले कतार जाँदै

काठमाडौं, १ माघ: नेपाल आईडलको चौथो फाइनलिस्ट तथा चर्चित गायक सागर आले सांगितिक कार्यक्रमका लागि कतार जाने भएका छन् ।sagar-ale-quatar-768x432उदयपुर जिल्लाको त्रियुगा नगरपालिका भित्रका विभिन्न स्थानहरुमा रहेका गरीब, अनाथ तथा सुस्त मनस्थिती बालबालिकाहरुको आर्थिक सहयोगार्थ कतारमा हुने सांगितिक कार्यक्रममा उनी सहभागी हुन लागेका हुन् ।

कतारमा कार्यरत उदयपुर त्रियुगा नगरबासीहरुको प्रतिनिधित्व गरी २०७३ स्थापना भएको त्रियुगा नगर प्रवासी युवा समूह, कतारले आर्थिक संकलनार्थ कतारमा सांगितिक कार्यक्रम गर्न लागेको हो । आले आउँदो २३ फेब्रुअरी २०१८ को दिन आयोजना हुन गईरहेको उक्त सांगितिक कार्यक्रममा सहभागी हुनेछन् ।

कार्यक्रममा त्रियुगा नगरपालिका स्थानीय कलाकारहरुको गायक फिरोज बस्नेत, डान्सरहरु एमजे मिथुन, रेखा राई र सविता पनि सहभागीता रहनेछन् । साथै कतारमा रहेका कलाकारद्वय गायक देवराज नेउपाउने, लोक गायक रित कुमार श्रेष्ठ र यू एण्ड आई डान्स क्रुको पनि बेजोड प्रस्तुति रहने आयोजकले जनाएको छ ।

दोहाको अल अहली स्पोर्टस क्लब नजिकै रहेको रिजेन्सी हलमा हुने उक्त सांगितिक कार्यक्रममा गायक अमित आलेको चर्चित गीतहरुको प्रस्तुति पनि रहनेछ ।

ads