साँझ मदन भण्डारी सालिकमा दीप प्रज्वलन गर्ने प्रचण्डको तयारी

 मदन भण्डारी स्मृति दिवसका दिन पार्टी एकता घोषणा गरेका प्रचण्ड र ओलीले बिहिबार साँझ मदन भण्डारी सालिकमा दिप प्रज्वलन गर्ने भएका छन् ।

kp-oli-prachanda_MzpIfHLd6A

बिहीबार विहानै मदन भण्डारीको शालिकमा माल्यार्पण गरेर मदन मदन आश्रति स्मृति दिवसकै दिन पार्टी एकता गर्ने प्रस्ताव आफ्नै रहेको खुलासा गर्दै प्रचण्डले साँझ मदनको स्मृतिमा दीप प्रज्वलन गर्ने भएका हुन् । उनले मदन भण्डारी स्मृति दिवसकै दिन पार्टी एकता गर्न पाउँदा खुशी लागेको बताएका छन् ।

पार्टी एकीकरण सकेर प्रचण्ड कोटेश्वरस्थित मदन भण्डारी बाटिकामा पुग्ने स्रोतले जनाएको छ । दिप प्रज्वलनको व्यवस्थापन एमालेको स्थानीय ३५ नम्बर वडा कमिटीले गरेको छ । कोटेश्वर महादेवस्थान मन्दिर नजिकको बाटिका केही दिनअघि एमाले अध्यक्ष केपी ओलीले उद्घाटन गरेका थिए ।

प्रचण्डले मदन भण्डारीप्रति अतिरिक्त श्रद्धाभाव देखाउनुको पछाडि एमाले पंक्तिको मन जित्ने रणनीति मानिएको छ ।

एमालेमा मदन भण्डारी र उनले प्रतिपादन गरेको जनताको बहुदलीय जनवादका अनुयायीहरुको ठूलो पंक्ति छ । एकीकृत पार्टीका एक अध्यक्षको हैसियतमा साबिक एमाले पंक्ति र मदन भण्डारीका अनुयायीहरुको मन जित्न प्रचण्डले चाहेका छन् ।

NOC1-250x300