सर्वाेच्चद्वारा प्रकाण्डलाई रिहा गर्न आदेश

काठमाडौं | सर्वोच्च अदालतले नेत्रविक्रम चन्द नेतृत्वको नेपाल कम्युनिष्ट पार्टी (नेकपा)का प्रवक्ता खडगबहादुर विश्वकर्मा (प्रकाण्ड)लाई पुन: रिहा गर्न आदेश दिएको छ । सर्वोच्च अदालतका न्यायाधीशद्वय सपना मल्ल प्रधान र टंकबहादुर मोक्तानको संयुक्त इजलासले थुनामा राख्ने कारण, आधार र प्रमाण नदेखिएकाे भन्दै साेमबार रिहा गर्न आदेश दिएको हो ।

फाइल फोटो

प्रवक्ता प्रकाण्डलार्इ पटक पटक गैरकानुनी थुनामा राख्ने काम गर्दै अदालतको आदेश पालना नगरेकोमा गम्भीर ध्यानाकर्षण गरेकाे सर्वोच्च अदालतका सहायक प्रवक्ता नागेन्द्रकुमार कालाखेतीले जानकारी दिए ।

चन्दा असुलीको अभियोगमा गत साउन २३ गते पक्राउ परेका प्रवक्ता प्रकाण्ड यस अघि पनि सर्वोच्च अदालतले छाड्ने आदेश दिएको थियो । यस क्रममा उनलाई सर्वोच्चको गेटबाट नै प्रहरीले पक्राउ गरेको थियो । त्यसपछि विश्वकर्मालाई विभिन्न मुद्दामा नुवाकोट र काभ्रे जिल्ला अदालतमा उपस्थित गराइएको थियो । त्यहाँको अदालतले समेत छाड्ने आदेश विपरित उनलाई पक्राउ गरिएको थियो ।

 

photo

NOC1-250x300