शताब्दिकै ठूलो भूकम्पमा परी  मेक्सिकोमाज्यान गुमाउनेको संख्या ६१ पुग्यो

एजेन्सी, भदौ २४, 

 

बीबीसी

मेक्सिकोका अधिकारीका अनुसार मेक्सिकोको दक्षिणी समुन्द्री तटमा शुक्रबार आएको शक्तिशाली भूकम्पमा परी मृत्यु हुनेको संख्या बढेर ६१ पुगेको छ ।मेक्सिकाका राष्ट्रपति इन्रिके पेना नियेटोले दक्षिणी समुन्द्री तटमा यो शताब्दिकै सबैभन्दा शक्तिशाली झट्का भएको बताएका छन् ।

भूकम्पले नराम्रोसँग प्रभावित टेबेस्को, वहाका र चियापसमा राहत कार्य जारी भइरहेको बताइएको छ ।थुप्रै स्थानमा मानिसहरु भग्नावशेषमा पुरिएको हुनसक्ने आशंका गरिएको छ ।राष्ट्रपतिका अनुसार भूकम्पका कारण कम्तीमा पनि दुई सयजना घाइते भएका छन् ।नेशनल इमर्जेन्सी कमिटीका प्रमुख लुई फिलिपे पुएन्टेले ट्वीटरमा भने, ‘नेशनल इमर्जेन्सी कमिटी सात सेप्टेम्बरको भूकम्पका कारण मृत्यु हुनेको संख्या ५८ रहेको भनी जानकारी दिइरहेको छ ।’

अधिकारीका अनुसार वहाकामा ४५ जनाको मृत्यु भएको छ भने चियापसमा १० । यस्तैगरी, टेबेस्कोमा तीनजनाको मृत्यु भएको छ ।वहाकामा भूकम्पबाट सबैभन्दा प्रभावित शहर खुचिटानकी मेयर ग्लोरिया सांचेजले भनिन्, ‘खुचिटानमा स्थिती निकै नाजुक छ । इतिहासममा यस्तो स्थिती कहिले पनि देखिएको थिएन ।’यस्तै, ग्वाटेमालामा त्यहाँका राष्ट्रपतिका अनुसार भूकम्पका कारण कम्तीमा पनि एकको मृत्यु भएको छ ।राष्ट्रपति पेना नियेटोले करिब पाँच करोड जनताले भूकम्पको झट्का महसुस गरेका छन् र मृतकको संख्यामा वृद्धि हुनसक्ने आशंका व्यक्त गरेका छन् ।अमेरिकी भूवैज्ञानिकका अनुसार भूकम्पको केन्द्र पिजिजियापन शहरको दक्षिण–पश्चिममा ८५ किलोमिटर टाढा र जमिनबाट ७० किलोमिटर गहिराइमा थियो ।मेक्सिकोका साथै गुआटेमाला, अल सल्वाडोर, कोस्टा रिका, निकारागुआ, पनामा र होन्डेरासमा सुनामीको चेतावनी जारी गरिएको थियो जसलाई पछि फिर्ता लिइयो ।

 

photo

NOC1-250x300