विमान दुर्घटनामा परी ज्यान गएका परिवारलाई उचित क्षतिपूर्ति दिन सांसदको माग

सांसदहरूले बुधबार विहान विमान दुर्घटनामा परी ज्यान गएकाका परिवारलाई उचित क्षतिपूर्ति दिन र देशका विभिन्न भागमा असिना पानीले पुर्‍याएको धनजनको क्षतिप्रति गहिरो दुःख व्यक्त गर्दै पीडित परिवारलाई तत्काल क्षतिपूर्ति तथा राहत उपलब्ध गराउन सरकारसँग माग गरेका छन्।

parliament_of_neapal_QBYkg0tosX

प्रतिनिधिसभाको बुधबारको बैठकमा विशेष समय लिएर बोल्दै सांसद दिलेन्द्रप्रसाद बडुले बुधबार बिहान मकालु एयरको विमान दुर्घटनामा परी ज्यान गएका चालक दलका सदस्यका परिवारलाई उचित क्षतिपूर्तिको व्यवस्था गर्न सरकारसँग माग गरेका छन्।

सांसद भरतबहादुर सिंहले  मकालु एयरको विमान दुर्घटनामा परी चालक दलका दुवै सदस्यको ज्यान गएको घटनाप्रति गहिरो दुःख व्यक्त गर्दै उनले अब विमान दुर्घटना हुन नदिन सरकारलाई सचेत रहन आग्रह गरे।

उनले पटक पटक विमान दुर्घटना हुनुको कारणको खोजी गरी तत्काल समस्या समाधान गर्न पनि सरकारसँग माग गरे।

यसका साथै, सांसदहरू दिलेन्द्रप्रसाद बडु र भरतबहादुर सिंहले कैलाली, बझाङ र कञ्चनपुरमा असिना पानीले पुर्‍याएको धनजनप्रति गहिरो दुःख व्यक्त गर्दै तत्काल राहतको व्यवस्था गर्न सरकारको गम्भीर ध्यानाकर्षण गराए। सांसद सिंहले असिना पानीले बझाङको विभिन्न गाउँमा बालीनाली नष्ट भएको भन्दै तत्काल राहत उपलब्ध गराउन सरकारसँग माग गरे।

उनले असिना पानीबाट गएको पहिरोमा ज्यान गुमाएकाका परिवारलाई पनि तत्काल क्षतिपूर्तिको व्यवस्था गर्न सरकारको गम्भीर ध्यानाकर्षण गराए।

 

 

photo

NOC1-250x300