‘विकासकाे नमुना प्रदेश नं.१ बाटै सुरू’ : प्रधानमन्त्री अाेली

 प्रधानमन्त्री केपी शर्मा अाेलीले देश विकासकाे नमुना प्रदेश नं. १ बाटै सुरू हुने दावि गरेका छन् । अाज १ नम्बर प्रदेशको प्रदेश सभा बैठकमा संवाेधन गर्दै प्रधानमन्त्री ओलीले देश विकासकाे उदाहरण १ नंं प्रदेशबाटै हुने जिकिर गरेका हुन् ।

शनिबार प्रदेशसभा बैठकमा सम्बोधन गर्न प्रधानमन्त्री ओली बिराटनगर अाएका छन् ।

प्रधानमन्त्री अाेलीले सात अाेटै प्रदेशका प्रदेश सभामा सम्बोधन गर्ने कार्यक्रम अनुसार आज १ नम्बर प्रदेशसभामा सम्बोधन गरेका हुन् । उनले बैठकमा बाेल्दै नेपाललाई धनीहरुको देशको रुपमा बदल्ने प्रतिबद्धता व्यक्त गरेका छन् ।

विराटनगर विमानस्थलमा सञ्चारकर्मीहरुसँग कुरा गर्दै प्रधानमन्त्री ओलीले नेपाल अहिलेसम्म गरिब बस्नेहरुको देशका रुपमा चिनिएको भन्दै अब धनी जनता बस्ने देशको रुपमा विकसित गर्ने प्रतिबद्धता व्यक्त गरेका हुन् ।

उनले राष्ट्र निर्माणको महान अभियान लिएर सरकार अघि बढेको भन्दै केही वर्ष भित्र बजेट पुगेन भन्ने गुनासो नै आउन नदिने बताए । अहिलेको सरकार कुराको प्रतिस्पर्धामा नभई कामको प्रतिस्पर्धामा अघि बढ्ने उनको भनाइ थियो ।

प्रधानमन्त्री ओलीले आगामी आर्थिक वर्षका लागि विनियोजन गरिएको बजेट पनि फरक ढंगको भएको बताए । यसअघिका सरकारले राजनीतिलाई केन्द्रमा राखेर बजेट ल्याउने गरेको भए पनि अब दीर्घकालीन सोचका साथ बजेट आएको उनको भनाइ थियो ।

अर्को एक प्रसंगमा प्रधानमन्त्री ओलीले वर्तमान सरकार प्रतिपक्षीलाई पेलेर नभई समेटेर अघि बढ्ने पक्षमा रहेको स्पष्ट पारे । उनले दुई तिहाईको सरकार भए पनि देशलाई सर्वसहमतिका आधारमा अघि बढाउने जानकारी दिए ।

 

photo

NOC1-250x300