वामदेव गौतमलाई  महत्वपुर्ण जिम्मेवारी दिने तयारी

काठमाडौँ । नेपाल नवनिर्माण महाअभियान नामक पुस्तक समेत प्रकाशित गरेर विकासमा विशेष चासो राख्न थालेका नेपाल कम्युनिष्ट पार्टीका नेता वामदेव गौतमले महत्वपुर्ण जिम्मेवारी पाउने भएका छन् । उनको चाहना र चासो बमोजिमको जिम्मेवारी नै सरकारले उनलाई दिन लागेको हो ।

प्रतिनिधिसभा निर्वाचनमा बर्दिया निर्वाचन क्षेत्रवाट पराजित भएका बामदेव अहिले भूमिका विहिन छन् । पार्टीमा समेत उनको औपचारीक जिम्मेवारी त्यस्तो केही छैन । तत्कालिन नेकपा एमाले र माओवादी केन्द्रको एकिकरणको लागि महत्वपुर्ण जिम्मेवारी निभाएका वामदेव वर्दियावाट निर्वाचन हारेपछि उनी महत्वपुर्ण भुमिकाको खोजिमा थिए ।

उनको रुची अनुसारको विकास निर्माण प्राधिकरणको भुमिकामा प्रधानमन्त्री केपी शर्मा ओलीले गौतमलाई जिम्मा दिन लागेको बताइएको छ । सरकारले निकट भविष्यमै शक्तिशाली विकास निर्माण प्राधिकरण गठन गर्दैछ ।

गौतमको सोही रुचि बमोजिम प्रधानमन्त्री ओलीले कार्यकारी नेतृत्व दिने गरी प्राधिकरणको जिम्मेवारी दिन लागेका हुन् ।

ओलीसँगै पार्टीका अर्का अध्यक्ष पुष्पकमल दाहाल प्रचण्ड पनि गौतमलाई प्राधिकरणको जिम्मेवारी दिन सहमत भएको स्रोतले बतायो ।

NOC1-250x300