‘यो पागल मन’को ट्रेलर सार्वजनिक

अभिनेत्री ऋचा सिंह ठकुरी स्टारर नयाँ फिल्म ‘यो पागल मन’को ट्रेलर सार्वजनिक गरिएको छ । मंगलवार राजधानीमा एक कार्यक्रमको आयोजना गरेर कलाकार र निर्माण टीमको उपस्थितिमा फिल्मको ट्रेलर सार्वजनिक गरिएको हो । सार्वजनिक ट्रेलरमा प्रेम, विछोड र द्वन्द्वलाई ट्रेलरमा मुख्य स्थान दिइएको छ । यस्तै उक्त ट्रेलरमा ऋचा र अभिनेता विनोद न्यौपानेको प्रेममा अभिनेता राजेश ढुंगाना भिलेन बनेका छन् ।

कल्याण अधिकारी निर्देशित ‘यो पागल मन’मा बिरेन्द्र कुमार यादब र कल्याणको लगानी छ । सामिप्यराज तिमल्सिनाको पटकथा तथा संवाद रहेको चलचित्रलाई शम्भु सापकोटाले खिचेका हुन् । अर्जुन पोखरेलको संगीत रहेको फिल्मको गीतलाई कमल राईले कोरियोग्राफी गरेका छन् । असार २९ गतेबाट प्रदर्शनको तयारीमा रहेको चलचित्रमा गौरी मल्ल, मनिष भण्डारी, बिशाल श्रेष्ठ, एनी कुँवरलगायतका कलाकारहरुको अभिनय छ ।

NOC1-250x300