मुख नखोल्ने सम्झौता अवैध भएको भन्दै पोर्नस्टारले हालिन् ट्रम्पलाई मुद्दा

फागुन २३


स्टोर्मी डेनियल्स र डोनाल्ड ट्रम्प

स्टोर्मी डेनियल्स र डोनाल्ड ट्रम्प
एक वयष्क फिल्मकी अभिनेत्रीले अमेरिकी राष्ट्रपति डोनाल्ड ट्रम्पविरुद्ध मुद्दा दायर गरेकी छन्। स्टोर्मी डेनियल्स नामक ती पोर्नस्टारले ट्रम्पसँग आफूले हस्ताक्षर गरेको ‘ननडिस्क्लोजर एग्रीमेन्ट’ अवैध भएको भन्दै मुद्दा दायर गरेकी हुन्।

यसअघि सन् २००६ मा ट्रम्पपत्नी मेलानिया सुत्केरी भएलगत्तै डेनियल्सले ट्रम्पसँग यौन सम्बन्ध कायम गरेको बताएकी थिइन्। यो कुराको खुलासा उनले सन् २०११ को एक अन्तर्वार्तामा सो खुलासा गरेकी थिइन्। उनको खास नाम स्टेफेनी क्लिफोर्ड हो।

गत जनवरी महिनामा यो विषयमा डेनियल्सले मुख नखोल्ने सम्झौतामा हस्ताक्षर गरेको समाचार वाल स्ट्रिट जर्नलले छापेपछि यसबारे पुनः चर्चा चुलिएको थियो।

फेब्रुअरीमा ट्रम्पका व्यक्तिगत वकिल माइकल कोहेनले डेनियल्सलाई आफैँले १ लाख ३० हजार डलर तिरेको पुष्टि गरेका थिए।

मंगलबार सो सम्झौता वैध नभएको भन्दै डेनियल्सले लस एञ्जलसमा मुद्दा दायर गरेकी छन्। उनका अनुसार सन् २०१६ मा भएको सो सम्झौतामा डेनियल्स र वकिल कोहेनले हस्ताक्षर गरेका छन् तर ट्रम्पले त्यसमा हस्ताक्षर गरेका छैनन्। ट्रम्पले हस्ताक्षर नै नगरेको सम्झौता वैध नहुने उनको तर्क छ। एजेन्सी

 

photo

NOC1-250x300