मनोमानी मूल्यवृद्धिलाई नियन्त्रण गर्न सरकारलाई निर्देशन

 

काठमाडौं, १६ असोज । नजिकिँदो चाडपर्वसँगै बजारमा भएको मनोमानी मूल्य वृद्धिलाई तत्काल रोक्न सार्वजनिक लेखा समितिले सरकारलाई निर्देशन दिएको छ । चिनीलगायत दसैंका लागि अति आवश्यक बस्तुहरुमामा व्यापारीहरुले मनोमानी मूल्यवृद्धि गरिरहेका छन् ।

सोमबार सिंहदरबारमा बसेको समितिको बैठकले चिनी, चामल, तेललगायतका अतिआवश्यक बस्तुमा अस्वाभाविक मूल्य वृद्धि गरिएको भन्दै तत्काल नियन्त्रण गर्न सरकारलाई निर्देशन दिएको हो ।

समितिले मूल्य वृद्धि नियन्त्रणका लागि उद्योग, वाणिज्य तथा आपूर्ति मन्त्रालयलाई निर्देशन दिइएको समितिका सभापति भरतकुमार शाहले जानकारी दिए । बैठकले कालो बजारी हुन नदिन अनुगमनको कामलाई प्रभावकारी बनाउन पनि सरकारलाई सचेत गराएको छ ।

दशैका बेला बसहरुले गर्ने गरेका बस टिकटमा कृतिम अभावलाई पनि समितिले त्यस्ता व्यवसायीलाई पहिचान गरी कडा कारबाही गर्न निर्देशन दिएको छ ।

 

photo

NOC1-250x300