भ्रष्टाचारको अभियोगमा बिन तलालसँग ६ खर्ब धरौटी माग

९ पुस : भ्रष्टाचारको अभियोगमा जेल पुगेका साउदी राजकुमार अलवालेद बिन तलालसँग साउदी अरबका अधिकारीहरुले ६ अर्ब डलरभन्दा बढी धरौटी मागेका छन् । झण्डै ६ खर्ब रुपैयाँभन्दा बढी धरौटी मागिएको साउदीमा यो पहिलो घटना हो ।

यसअघि नोभेम्बरमा पक्राउ परेका केही साउदी राजकुमारहरु ठूलो रकम धरौटी बुझाएर रिहा भइसकेका छन् । तलाल भने अहिलेसम्म जेलमै छन् । ६२ वर्षीय तलाल विश्वकै धनीको सूचिमा छन् । एक जर्नलले सार्वजनिक गरेको अर्बपतिको सूचिमा उनी ५७औं नम्बरमा छन् । उनीसँग १८ बिलियन सम्पत्ति रहेको अनुमान गरिएको छ ।

यदि उनले धरौटी बुझाउन पर्‍यो भने ९ बिलियन डलर बराबर मूल्य रहेको उनको होल्डिङ कम्पनीको ठूलो हिस्सा सुम्पनुपर्ने हुनसक्छ । जेलबाट छुट्नका लागि वालेदले एउटा सम्झौता गर्ने प्रयास गरिरहेको केही सञ्चार माध्यमहरुले खबर लेखेका छन् ।

साउदीमा भ्रष्टाचारको आरोपमा विशिष्ट व्यक्तिहरु अहिले पनि जेलमा छन् । एजेन्सी

ads