भारतीय गृहमन्त्रीसँग प्रचण्डले भनेः ‘सीमामा नेपाली लुटिने श्रृङ्खला रोक्नु पर्‍यो’

भारत भ्रमणमा रहेका नेकपा अध्यक्ष पुष्पकमल दाहाल (प्रचण्ड) ले भारतीय गृहमन्त्री राजनाथ सिँहसँग सीमामा नेपाली लुटिने श्रृखला तत्काल बन्द गर्न पहलका लागि आग्रह गरेका छन्।

शुक्रबार बिहान प्रवासी नेपालीसँगको छलफलमा प्रवासीहरुले सीमा क्षेत्रमा नेपाली माथि हुने गरेका लुटपाटका घटनाका सम्बन्धमा जानकारी गराएका थिए।

त्यसपछि दिउसो भारतीय गृहमन्त्री सिँहसँगको भेटमा प्रचण्डले लुटपाटका लागि आग्रह गरेका हुन्। गृहमन्त्री सिँहले सीमा क्षेत्रका सबै अधिकारीहरुलाई तत्कालै खबर गरी घटना रोक्न तत्काल पहल गरिने जानकारी दिएका थिए।

प्रचण्डको सचिवालयले सिंहसँगको भेटमा नेपाल–भारत सम्बन्धका लागि अहिले सकारात्मक वातावरण बनेको बताउँदै नेपालको आर्थिक समृद्धिका लागि दुबै देश मिलेर अघि बढ्नुपर्नेमा जोड दिएका थिए।

प्रचण्डले भारतीय गृहमन्त्री सिँहसँगको भेटमा नेपाल र भारतबीच भएका समझदारीको प्रभावकारी कार्यान्वयनमा पनि जोड दिएका थिए।

 

photo

NOC1-250x300