बार्सिलोनाद्बारा लेभान्ते ३-० गोलले पराजित

20170912T233318Z_2_LYNXNPED8B2HP_RTROPTP_4_SOCCERCHAMPIONSFCBJUV

एजेन्सी, २४ पुस । गएराति भएको स्पेनिस लिग लालिगामा बार्सिलोनाले लेभान्तेलाई ३-० गोलले पराजित गरेको छ । दुई हप्ताको विश्रामपछि सुरु भएको लिगमा बार्सिलोना उच्च फर्ममा देखिएको थियो ।

यस सिजन उत्कृष्ट खेल प्रदर्शन गर्दै आइरहेका लियोन मेस्सीले खेलको १२ औ मिनेटमा गोल गर्दै बार्सिलोनालाई अग्रता दिलाएका थिए ।

त्यसपछि चम्किए लुइज स्वारेज । उनले खेलको ३८ औ मिनेटमा गोल गरे । यस वर्ष सर्वाधिक आश्चर्य पारे पोलिन्हो । बार्सिलोना आउनु पुर्व उनको खेललाई लिएर फुटबल पण्डितहरु खासै आशावादी थिएनन् ।

तर, उनले बार्सिलोना आएपछि महत्वपुर्ण गोलहरु गर्न सफल भएका छन् ।

लेभान्तेविरुद्धको खेलमा पनि उनले अन्तिम मिनेटमा गोल गरेका थिए । यस सिजन अपराजित रहेको बार्सिलोनाको १८ खेलमा ४८ अंक रहेको छ ।

NOC1-250x300