बलिउड कलाकार नरेन्द्र झाको निधन

बलिउड कलाकार नरेन्द्र झाको ५५ वर्षको उमेरमा निधन भएको छ। आज बिहान ५ बजे उनकाे हृदयघातका कारण निधन भएको हो ।

images_cms-image-000043384

बिहार मुधबानीमा जन्मेका नरेन्द्रले आफ्नो करिअर टेलिभिजन इन्डस्ट्रीबाट सुरु गरेका थिए। उनले सुपरकप्स भर्सेज सुपरभिलेन्स, बेंगुसराइ जस्ता धारावाहिक सिरियलमा काम गरेर चर्चा बटुलेका थिए । सन् २०१२ मा ‘फन्टुस’ फिल्मबाट बलिउडमा डेब्यु गरेका उनले ‘नेताजी सुवास चन्द्र बोसः द लास्ट हिरो, फोर्स –३ , मोहन्जो दारो , हमारी अधुरी कहानीमा काम गरेका थिए भने हालसालै उनले सलमान खानको रेस –३ मा काम गर्दे थिए ।

उनको उपचार मुम्बइस्थित कोकिलावन अस्पतालमा चलिरहेको थियो । अस्पतालमा उपचाररत छँदा आरामका लागि उनी फार्म हाउस पुगेका थिए जहाँ उनको निधन हुन पुग्यो । 
उनको चर्चित फिल्ममा रइस, हाइडर, काबिल रहेका छन् ।

NOC1-250x300