बलिउड इतिहासमा २४ वर्षपछि आमिर खान र सलमान खान एउटै फिल्ममा देखिदै

 बलिउड इतिहासमा २४ वर्षपछि सलमान खान र आमिर खान एउटै फिल्ममा देखिने भएका छन् । भारतिय मिडियाका अनुसार बलिउडमा अहिले सम्म को सबैभन्दा ठूलो बजेटमा निर्माण हुने उक्त फिल्ममा आमिर खानले पहिले आफैंले गर्ने भनेको रोल सलमान खानलाई अफर गरेको बताइएको छ ।

aamir-salman

भारतका सबैभन्दा धनी व्यवसायी मुकेश अम्बानीको लगानीमा बन्न लागेको फिल्म ‘महाभारत’को लागि आमिर खानले सलमान खानलाई कृष्णको रोल अफर गरेको समाचार छ । तर, आमिर स्वयंले यो रोल सलमानलाई आफर गरेका हुन् । अब आमिरले फिल्ममा कर्णको रोल गर्ने भएका छन् । पोर्टका अनुसार सलमान पनि केही वर्षदेखि महाभारतबाट प्रेरित फिल्म बनाउने सोचाइमा थिए ।

उनले आमिरको फिल्मको बारेमा थाहा पाएपछि यो फिल्मको एक हिस्सा बन्न इच्छा जनाएका थिए । यसपछि आमिरले सलमानलाई कृष्णको रोल अफर गरेको समाचारमा जनाइएको छ । यो फिल्म ५ फिल्मको सिरिज हुनेछ । यो फिल्मको बजेट १ हजार करोड भएको बताइएको छ । फिल्ममा मुकेश अम्बानीले लगानी गर्नेछन् । फिल्ममा अमिताभ बच्चन र इमरान खान पनि महत्वपूर्ण भूमिकामा हुनेछन् । एजेन्सी

NOC1-250x300