बलात्कार नियन्त्रणमा प्रहरीले पुर्याएको योगदानको प्रशंसा गर्छु : प्रधानमन्त्री ओली

प्रधानमन्त्री केपी शर्मा ओलीले प्रहरीको इमान्दारीताको प्रशंसा गरेका छन् । ६३ औँ प्रहरी दिवसका अवसरमा प्रहरी प्रधान कार्यालयले आयोजना गरेको कार्यक्रमलाई सम्बोधन गर्दै प्रधानमन्त्रीले प्रहरीको प्रशंसा गरेका हुन् ।

उनले गौरवशाली कर्मठ प्रहरीले बलात्कार, हत्या हिंसा नियन्त्रण तथा अनुसन्धानमा प्रहरीले शसक्त भूमिका निर्वाह गरेको बताए । ‘कर्मठ प्रहरीले अपराध नियन्त्रण र अमनचयन कायम राख्न पुर्याएको योगदानको म प्रशंसा गर्छु’, उनले भने ।

प्रधानमन्त्री ओलीले ९० प्रतिशत अभियुक्त पत्ता लगाएको तथ्यांक पेश गर्दै साख जोगाउन अझ बढी व्यवसायिक हुन सुझाव दिए । उनले नेपाल प्रहरी आमनागरिकमुखी भएर जनताको घरदैलोमा पुग्न सकेमा सरकारको प्रभावकारिता देखिने बताए । प्रहरीलाई व्यावसायिक र थप साधन स्रोत सम्पन्न बनाउन जरुरी रहेको प्रधानमन्त्रीको भनाइ छ ।

ठूलो राजनीतिक उथल पुथल र परिवर्तनपछि देश समृद्ध नेपाल, सुखी नेपालीको लक्ष्य प्राप्त गर्ने अभियानमा रहेको उनले स्मरण गराए । दिनप्रतिदिन नयाँ स्वरुपमा देखा परेको अन्तरदेशीय अपराध, आतंकवाद, अतिवादलाई रोक्न छिमेकी देशहरुसँग सम्बन्ध विस्तारमा उनले जोड दिए ।

 

photo

NOC1-250x300