प्रधानमन्त्री देउवा आज राजीनामा दिदै

 फागुन २, काठमाडौं ।


देउवा

 
 शेरबहादुर देउवा नेतृत्वको मन्त्री परिषदको आज अन्तिम बैठक बस्ने भएको छ। बैठक लगत्तै प्रधानमन्त्री देउवाले राष्ट्रपति विद्यादेवी भण्डारीसमक्ष राजिनामा पेश गर्ने भएका छन्।आजै निर्वाचन आयोगले राष्ट्रपति विद्यादेवी भण्डारी समक्ष प्रतिनिधि सभा तथा राष्ट्रिय सभा निर्वाचनको परिणाम पेश गर्दैछ। त्यसपछि राजिनामा दिने योजनामा देउवा छन्।राजिनामा अगाडि मन्त्री परिषद बैठक बोलाउने योजनामा प्रधानमन्त्री देउवा रहेको एक मन्त्रीले बताए। ती मन्त्रीले भने, ‘त्यसपछि राजिनामा दिने योजना छ।’

निर्वाचन आयोगले अन्तिम परिणाम बुझाउनासाथ राष्ट्रपतिलाई नयाँ सरकार गठनको प्रक्रिया अघि बढाउने बाटो खुल्छ। त्यसैलेपनि राजिनामा गर्न देउवामाथि नैतिक दबाब छ।आजै एमाले–माओवादी केन्द्रले एकता संयोजन समितिको बैठक राखेका छन् र सम्भवत आजै पार्टी एकता सम्बन्धी विषयलाई टुङ्ग्याउँदैछन्।त्यसैले, सहज रुपमा एमाले–माओवादी केन्द्रको संयुक्त सरकार बन्ने स्थिति छ। नयाँ सरकार बन्नासाथ सरकार छाड्नु पर्ने भएकाले पनि देउवा राजिनामाको मनस्थितिमा छन्। 

 

photo

NOC1-250x300