पोखरामा डाक्टरको गाडीबाट बालकको मृत्यू

कास्की, ७ असार । पोखराको मणिपाल अस्पतालका चिकित्सकले चलाएको गाडीबाट अस्पताल हाताभित्रै एक बालकको ज्यान गएको छ । चिकित्सक विश्वदीपक तिमिल्सिनाको गाडीले किच्दा ४ वर्षीय बालक संस्कार कँडेलको ज्यान गएको हो ।

तिमिल्सिनाले चलाएको ग ३ च ४३६ नम्बरको गाडीले बालकलाई किचेको थियो । अस्पतालमा रहेका आफन्त बिरामीलाई भेटेर फर्कने क्रममा रहेका कँडेलका पिताले उनलाई सडक छेउमा उभ्याएर बाइक लिन पार्किङ एरियामा गएका थिए । सोही अवस्थामा डाक्टरको गाडीले उनलाई ठक्कर दिएको थियो ।

बालकको शव मणिपाल अस्पतालको इमर्जेन्सीमा राखिएको छ । मृतक बालकका आफन्तले लापर्वाहीपूर्वक गाडी चलाएर बालकलाई ठक्कर दिएको आरोप लगाउँदै चिकित्सकमाथि कारबाहीको माग गरेका छन् ।

 

photo

NOC1-250x300