पोखराका सहन्यायाधिवक्ता पाँच लाख घुससहित अख्तियारको फन्दामा

असोज २४, पोखरा । पोखरास्थित सरकारी वकिलको कार्यालय कास्कीका सहन्यायाधिवक्ता सुरेन्द्रबहादुर थापा पाँच लाख रुपैयाँ घुससहित पक्राउ परेका छन् ।

अख्तियार दुरुपयोग अनुसन्धान आयोग पश्चिमाञ्चल क्षेत्रीय कार्यालयको टोलीले बुधबार बिहान पौने ९ बजे उनलाई रङ्गेहात पक्राउ गरेको हो ।

ठगीसम्बन्धी मुद्दा सर्वोच्च अदालतसम्म नपुर्‍याइदिने सर्तमा उनले सेवाग्राहीबाट घुस लिएकाले पक्राउ गरिएको अख्तियारले जनाएको छ । अख्तियारका अनुुसार उनले ठगीसम्बन्धी मुद्दा अगाडी नबढाउने भन्दै सेवाग्राहीबाट घुस लिएका हुन् ।

अख्तियारको नियन्त्रणमा रहेका थापाका विषयमा थप अनुसन्धान भइरहेको छ ।

 

photo

NOC1-250x300