पक्राउ पुर्जी जारी भएका सिलवाल मलेसियामा

 

 
 
    
 

काठमाडौं, पुस १९ । नेपाल प्र्रहरीका पूर्व डिआइजी नवराज सिलवाललाई काठमाडौं प्रहरी परिसरले किर्ते मुद्दामा पक्राउ पुर्जी जारि गरेको छ । नेपाल प्रहरीको आइजीपी बढुवा प्रकरणमा विवादमा मुछिएका सिलवाल ललितपुर क्षेत्र नम्बर १ बाट नेकपा एमालेको तर्फबाट निर्वाचित भएका सांसद समेत हुन । सिलवाललाई तुरुन्त्र पक्राउ गरी उपस्थित गराउन लालितपुर प्रहरीलाई पत्र काटेको हो ।

आइजिपी बढुवा सम्बन्धी मुद्दामा कार्यसम्पादन मूल्यांकन किर्ते गरेको विषयमा सर्वोच्च अदालतले फैसलाका आधारमा प्रहरीले उनीमाथि अनुसन्धान अघि बढाएको थियो । उनले पेश गरेको कार्यसम्पादन मूल्यांकन सम्बन्धी कागज किर्ते गरेको पुष्टि भएपछि उनी विरुद्ध पक्राउ पुर्जी जारी भएको हो । काठमाडौं  प्रहरी परिसरको श्रोत अनुसार चलानी नम्बर ३१५२ मा पत्र काटीएको जनाएको छ ।

सिलवाललाई पक्राउ गर्न काठमाडौं प्रहरीले ललितपुर प्रहरीलाई पत्राचार गरिसकेको थियो । पक्राउ पुर्जी जारी गरेको सूचना पाएपछि सिलवालले मंगलबार नै नेपाल बाहिर गएको बुझिएको छ । समाचार स्रोतका अनुसार सिलवाल  सोमबार मलेसिया उढिसकेको बताएको छ ।

नवराज सिलवाल एशियन इन्ष्टिच्युट अफ टेक्नोलोजीद्वारा आयोजित ‘इष्ट एशियन इनिसियटिभ्स इन द कम्युनिटी डेभलपमेण्ट विथ स्पेशियल फोकस टु वुमन’ विषयक कार्यक्रममा भाग लिन मलेसियाको राजधानी क्वालालम्पुर पुगेको बताइएको छ । सिलवाल एयर एशियाको नियमित उडानबाट सोमबार साँझ मलेसिया पुगेका छन् ।

ads